પાકિસ્તાન સામે મેચ પહેલા વિરાટ કોહલીએ ધોની માટે ઈમોશનલ પોસ્ટ લખી છે. જુઓ શું કહે છે કોહલી.
પાકિસ્તાન સામે મેચ પહેલા કોહલીએ ધોની માટે લખી ઈમોશનલ પોસ્ટ
ધોનીની કપ્તાનીમાં કોહલી બન્યા મેચ વિનર
28 ઓગસ્ટનાં રોજ ભારત અને પાકિસ્તાન વચ્ચે મુકાબલો
બધા જ ક્રિકેટ ફેન્સને ખૂબ જ આતુરતાથી ભારત અને પાકિસ્તાનનાં મુકાબલાની રાહ છે. આ મહામુકાબલાને લઈને ક્રિકેટર્સ પણ પોતાની તૈયારી કરી રહ્યા છે. ભારત અને પાકિસ્તાન વચ્ચે એશિયા કપમાં 28 ઓગસ્ટનાં રોજ મેચ રમાશે. હવે આ મેચ પહેલા ભારતનાં સુપર ખેલાડી વિરાટ કોહલીને દિગ્ગજ મહેન્દ્રસિંહ ધોનીની યાદ આવી ગઈ છે. તેમણે પોસ્ટ શેર કરીને ભાવુક વાત કહી દીધી છે.
વિરાટે શું કહ્યું?
પાકિસ્તાન સામે મેચ પહેલા વિરાટ કોહલીએ પોતાના ઇન્સ્ટાગ્રામ પર પોસ્ટ કરી છે, જેમાંઆ તેમણે લખ્યું છે કે આ વ્યક્તિનો ભરોસામંદ ડિપ્ટી બનવું ખૂબ જ સુખદ રહ્યું. આ મારા કરિયરનો સૌથી રોમાંચક સમય હતો. અમારી પાર્ટનરશિપ મારા માટે હંમેશા સ્પેશ્યલ રહેશે 7+18. મહેન્દ્રસિંહ ધોનીની જર્સીનો નંબર 7 છે અને વિરાટ કોહલીની જર્સીનો નંબર 18 છે. એટલા માટે કોહલીએ આ નંબર મેન્શન કર્યો છે. આ પોસ્ટને ફેન્સ ખૂબ જ પસંદ કરી રહ્યા છે.
ધોનીની કપ્તાનીમાં બન્યા મેચ વિનર
ધોનીની કપ્તાનીમાં વિરાટ કોહલી સૌથી મોટા મેચ વિનર બનેલા. તેમણે ધોનીની કપ્તાનીમાં વર્ષ 2008માં પોતાનો ડેબ્યૂ કરેલો. બંને ખેલાડીઓએ પોતાના દમ પર ભારતીય ટીમને ઘણી મેચ જિતાડી છે. ધોનીની ગણતરી દુનિયામાં સર્વશ્રેષ્ઠ ફિનિશર્સમાં થાય છે. ઓસ્ટ્રેલીયાનાં પ્રવાસે કોહલીએ અચાનક ટેસ્ટ ટીમની કપ્તાની છોડી હતી. ત્યાર બાદ કોહળીને કપ્તાની મળી હતી. ધોનીની કપ્તાનીમાં કોહલીએ દુનિયાનાં દરેક મેદાન પર સારા રન બનાવ્યા છે.