IPL 2020 / ભલભલા બોલરને ધ્રુજાવનાર કોહલી કેમ UAEમાં બેટ પકડતાં જ ડરી ગયા ? પોતે બતાવ્યું કારણ

• આઈપીએલ માટે રોયલ ચેલેન્જર્સ બેંગ્લોરની ટીમે અભ્યાસ શરુ કરી દીધો
• કોહલીએ કહ્યું કે જ્યારે તે બેટ પકડીને નેટ્સ પર ઉતર્યા તો તેમને ડર લાગતો હતો
• ઈમાનદારીથી કહું તો જેટલી આશા હતી તેના કરતા ખૂબ સારું રહ્યું : કોહલી 

આઇપીએલના આયોજનના દિવસો નજીક આવી રહ્યા છે. આ વર્ષે ભારતની બહાર ટૂર્નામેન્ટનું આયોજન કરવામાં આવ્યું છે અને બધી ટીમો ત્યાં પહોંચી ગઈ છે. એવામાં આઈપીએલ માટે રોયલ ચેલેન્જર્સ બેંગ્લોરની ટીમે અભ્યાસ શરુ કરી દીધો છે. દુબઈમાં વિરાટ કોહલી એન્ડ કંપની ખૂબ મહેનત કરી રહી છે. પોતે કેપ્ટન કોહલી પ્રેક્ટીસ કરતા નજરે પડ્યા છે. પ્રેક્ટીસ કર્યા બાદ વિરાટ કોહલીએ ચોંકાવનારુ નિવેદન આપ્યું છે. વિરાટ કોહલીએ કહ્યું કે જ્યારે તે બેટ પકડીને નેટ્સ પર ઉતર્યા તો તેમને ડર લાગતો હતો. 

વિરાટ કોહલી ભારતનાં સૌથી સફળતમ ક્રિકેટરમાંથી એક છે અને વિરાટ કોહલી જ્યારે મેદાન પર ઉતરે છે ત્યારે ભલભલાં બોલર્સના પરસેવા છૂટી જાય છે ત્યારે દુબઈમાં જ્યારે આટલા દિવસ પછી પહેલીવાર નેટ સેશનમાં વિરાટ કોહલી ઉતર્યા તો તે ખૂબ ભયભીત હતા. RCBની વેબ્સાઈટ અનુસાર વિરાટ કોહલીએ કહ્યું કે ઈમાનદારીથી કહું તો આ આશાથી ખૂબ સારું રહ્યું. હું થોડો ભયભીત હતો. મેં પાંચ મહિનાથી બેટ નથી પકડ્યો પણ હા જેવું મેં વિચાર્યું હતું તેનાથી સારું રહ્યું.

ગયા વર્ષે આઈપીએલમાં સૌથી વધારે રન બનાવનાર 31 વર્ષના કોહલીએ કહ્યું કે લોકડાઉનમાં ફિટ રહેવાના કારણે તેમને નેટ સેશન સારું કરવામાં મદદ મળી. લોકડાઉનમાં મેં ખૂબ ટ્રેનિંગ કરી, જેના કારણે ખૂબ ફિટ અનુભવું છું અને તેના કારણે મદદ મળે છે. મને એવું લાગી રહ્યું હતું મારા પાસે બોલ રમવા માટે ખૂબ સમય હતો. આ ખૂબ સારી વાત છે બાકી તમને સત્રમાં થોડું ભારે લાગણીનો અનુભવ થાય છે, શરીર વધારે હલનચલન કરી શકે નહીં પણ હા મારી આશા હતી તેના કરતા પ્રેક્ટીસ સેશન ખૂબ સારું રહ્યું. 

નોંધનીય છે કે આરસીબીની ટીમ ગત સપ્તાહમાં જ દુબઈ પહોંચી અને શનિવારે જ નેટ પ્રેક્ટીસ શરુ કરવામાં આવી છે, કોહલીની સાથે ચહલ, સુંદર, શાબજ નદીમ જેવા ખેલાડીઓએ અભ્યાસ શરુ કર્યો છે. પહેલા સત્રથી કોહલી ખૂબ ખુશ હતા.