પૂર્વ કેપ્ટન વિરાટ કોહલી આજકાલ પોતાના ફોર્મને લઇને સંઘર્ષ કરી રહ્યો છે. ત્યારે હાલ તેઓ આરામમાં છે અને આવનાર ઇનિંગ્સ માટે તૈયારી કરી રહ્યો છે, ત્યારે ખેલાડીએ એક વિડીયો પોસ્ટ કર્યો છે.
પોતાના સો.મીડિયામાં પોસ્ટ કરેલ વિડીયો વાયરલ
વિરાટ કોહલી પોતાની ફિટનેસ પર કામ કરી રહ્યો છે
થોડા સમયથી કોહલીના બેટમાંથી રન નીકળ્યા નથી
વેસ્ટ ઈન્ડિઝ તરફથી સિરીઝ રમવા માટે ટીમ ઈન્ડિયા ત્યાં પહોંચી ગઈ છે, પરંતુ વિરાટ કોહલી આ ટીમ સાથે નથી. તેને વનડે અને ટી20 સીરીઝમાંથી આરામ આપવામાં આવ્યો છે. આ દરમિયાન પૂર્વ કેપ્ટન વિરાટ કોહલી પોતાની ફિટનેસ પર કામ કરી રહ્યો છે અને ફોર્મમાં પરત ફરવાનો પ્રયાસ કરી રહ્યો છે. વિરાટ કોહલીએ ઈન્સ્ટાગ્રામ પર પોતાનો એક વીડિયો શેર કર્યો છે, જેમાં તેનો અલગ અંદાજ જોવા મળી રહ્યો છે. આ વીડિયો પોસ્ટ થતાની સાથે જ સોશિયલ મીડિયા પર વાયરલ થઇ ગયો છે. લોકો તેને સતત લાઈક અને શેર કરી રહ્યા છે.
વિરાટ કોહલીનો નવો વીડિયો સોશિયલ મીડિયા પર વાયરલ
પૂર્વ કેપ્ટન વિરાટ કોહલી આજકાલ પોતાના ફોર્મને લઇને સંઘર્ષ કરી રહ્યો છે. તેમની શરૂઆત સારી રહી છે, પરંતુ તેઓ તે શરુઆતને મોટી ઈનિંગમાં કન્વર્ટ કરી શકતા નથી. ઈંગ્લેન્ડ સામેની વન-ડે શ્રેણી અને ટી-20 શ્રેણીમાં પણ તેના બેટમાંથી રન નીકળ્યા નથી અને તે ટેસ્ટ મેચમાં ઘણી મોટી ઈનિંગ રમી શક્યો નથી. તેથી જ તેમને આરામ આપવામાં આવ્યો છે. હવે એવું માનવામાં આવી રહ્યું છે કે વિરાટ કોહલી આવતા મહિનાથી શરૂ થઈ રહેલા એશિયા કપ 2022થી ટીમ ઈન્ડિયામાં વાપસી કરશે. આ સાથે જ વિરાટ કોહલીએ પોતાના ઈન્સ્ટાગ્રામ પર જે વીડિયો શેર કર્યો છે, તે જબરદસ્ત રીતે વાયરલ થયો છે. કોહલીએ શેર કરેલા વીડિયોમાં લખ્યું છે કે, તે લાંબા સમયથી પેન્ડિંગ હતો, પરંતુ મને લાગે છે કે હજુ મોડું થયું નથી. તેને ખૂબ પસંદ કરવામાં આવી રહ્યું છે. વિરાટ કોહલી ભલે આ સમયે રન નહીં બનાવી શકે, પરંતુ તેની ફેન ફોલોઇંગમાં કોઇ ઘટાડો થયો નથી. વિરાટ કોહલી પોતાના મસ્તમૌલા અંદાજ માટે જાણીતો છે. આ જ વાત તેના લેટેસ્ટ વીડિયોમાં જોવા મળી રહી છે. સૌ કોઈ ઈચ્છે છે કે વિરાટ કોહલી આ રેસ્ટમાં પોતાના ફોર્મમાં પરત ફરવાનો પ્રયાસ કરે અને જ્યારે તે મેદાન પર ઉતરશે તો ફરી રન મશીન બની જશે.
ઇંગ્લેન્ડ સામે વિરાટ કોહલીનું પ્રદર્શન
ઇંગ્લેન્ડ સામેની સિરીઝની શરૂઆત ટેસ્ટ મેચથી થઇ હતી. આ મેચની પહેલી ઇનિંગમાં તેણે 11 રન બનાવ્યા હતા અને બીજી મેચમાં પણ 20 રનની નાની ઇનિંગ રમી હતી. જે બાદ તે પ્રથમ ટી-20 મેચમાં રમી શક્યો નહતો. બીજી ટી-20 મેચમાં તેણે એક રન બનાવ્યો હતો અને ત્રીજી મેચમાં પણ તેના બેટમાંથી માત્ર 11 રન જ આવ્યા હતા. વન ડે શ્રેણીની પ્રથમ મેચમાં તેઓ ફિટ નહતા, એટલે તેઓ રમ્યા નહતા. બીજી વનડેમાં તેણે 16 રન અને ત્રીજી વનડેમાં 17 રન બનાવ્યા હતા. એટલે કે વિરાટ કોહલી ઇંગ્લેન્ડમાં માત્ર છ ઇનિંગ રમ્યો હતો અને તેના બેટમાંથી કુલ 76 રન જ નીકળ્યા હતા.