ફોર્બ્સ / સૌથી વધુ કમાણી કરતા 100 ખેલાડીઓમાં વિરાટનું નામ, જાણો કેટલી છે આવક?

વિશ્વના મહાન બેટ્સમેનમાં સુમાર કોહલીનું નામ જાણીતી મેગેઝીન ફોર્બ્સે દુનિયામાં સૌથી વધારે કમાણી કરનાર એથલીટોની યાદીમાં સામેલ કર્યું છે. 

ભારતીય કેપ્ટન વિરાટ કોહલી સતત ત્રીજા વર્ષે ટોપના 100 ખેલાડીઓની યાદીમાં એકમાત્ર ક્રિકેટર અને ભારતીય ખેલાડી છે. જો કે આ વખતે એને 16 સ્થાનનું નુકસાન થયું છે અને એ 100માં નંબર પર પહોંચી ગયો છે. 

ગત વર્ષે તે 83માં સ્થાન પર હતો. આ વખતે એની કુલ કમાણી 25 મિલિયન (આશરે 1.73 અરબ રૂપિયા) છે. એમાંથી એની સેલેરીથી આશરે 27.75 કરોડ તેમજ કરાર અને જાહેરાતથી 1.45 અબજની કમાણી થાય છે. તો 2017માં 89માં નંબર પર હતો. 

વિરાટ કોહલીની ગત વર્ષની કમાણી 100.72 કરોડ રૂપિયા હતી. તો જૂન 2018 થી લઇને જૂન 2019 સુધી એની કમાણી 7 કરોડ રૂપિયા (10 લાખ ડૉલર) વધીને 173.5 કરોડ રૂપિયા (2.5 કરોડ ડૉલર) પહોંચી ગઇ. તેમ છતા એ ગત વખતે 83માં સ્થાનછી 100માં સ્થાન પર પહોંચી ગયો. કેપ્ટનની વધારે કમાણી જાહેરાતોમાંથી થઇ છે. 

ભારતમાં ક્રિકેટ ખેલાડીઓની કમાણીની વાત કરીએ તો એમએસ ધોની બીજો અને સચિન તેંડુલકર ત્રીજા સ્થાન પર છે. જો કે તેંડુલકરને આંતરરાષ્ટ્રીય ક્રિકેટથી સંન્યાસ લીધે 5 વર્ષથી વધારેનો સમય થઇ ગયો છે, પરંતુ એ હજુ પણ કમાણીના મામલે એ ટૉપ ત્રણમાં સામેલ છે.