INDvsAUS / બીજાને તક આપવામાં પોતાની ગેમ ખરાબ કરી દીધી વિરાટ કોહલીએ

• ટીમ ઇન્ડિયાને ઓસ્ટ્રેલિયાએ ૧૦ વિકેટથી હરાવ્યુ
• કેપ્ટન ફિંચ અને ડેવિડ વોર્નરની સેન્ચુરીથી વિરાટ બ્રિગેડ ધ્વસ્ત

ચર્ચા હતી કે મુંબઇમાં ઓસ્ટ્રેલિયા વિરુદ્ઘ મજબૂત ટીમના વિરુદ્ઘ થનારી ૩ મેચની સીરિઝની પહેલી વનડે ઇનિંગમાં શરૂઆત કરવા માટે ફોર્મમાં ચાલી રહેલા કેએલ રાહુલ અને શિખર ધવન બંને માંથી એકનો પસંદ કરવાનો હતો. તો બીજી તરફ કેપ્ટન વિરાટ કોહલીએ આ પ્રોબ્લેમ સોલ્વ કરવા માટે એક પગલું આગળ ભરીને નિવેદન આપ્યુ. 

મુંબઇ વનડેના એક દિવસ પહેલા પ્રેસ કોન્ફરન્સ દરમિયાન વિરાટ કોહલીએ સ્પષ્ટ કર્યુ કે, શિખર ધવન, કેએલ રાહુલ અને રોહિત શર્મા ત્રણેય એકસાથે રમશે. વિરાટે સંકેત આપ્યો કે, ઓસ્ટ્રેલિયા વિરુદ્ઘ મુંબઇમાં થનારી પહેલી વનડે મેચમાં ધવન અને રાહુલ બંનેની જગ્યા આપીને પોતે બેટિંગ કરવા માટે નીચેના સ્થાને આવ્યો.

દાવ ઉલ્ટો પડ્યો

મેચના દિવસે એવુ જ થયુ. રોહિત શર્મા, શિખર ધવને ઇનિંગની શરૂઆત કરી. ત્રીજા નંબર પર કેએલ રાહુલ આવ્યો. રોહિત શર્મા ૧૦ રનમાં આઉટ થયો જે પછી ધવન અને રાહુલે બીજા વિકેટ માટે ૧૨૧ રન કર્યા, પરંતુ વિરાટ ૧૬ રનમાં આઉટ થયો અને વનડે નંબર ૧ બેટ્સમેન કોહલી અહીંયા જ માત ખાઇ ગયો. બીજાને ચાન્સ આપવામાં વિરાટે પોતે પોતાની ગેમ ખરાબ કરી દીધી.

ઉલ્લેખનીય છે કે, ચોથા નંબર પર રમવા આવેલો વિરાટ રન નથી કરી શકતો. વનડેની સાત ઇનિંગ પર ધ્યાન આપવામાં આવે તો વિરાટ સતત અસફળ રહ્યો છે. આ દરમિયાન તે એક વખત નૉટઆઉટ રહ્યો, પરંતુ બાકીની ૬ ઇનિંગ્સમાં તેણે બેટે નિરાશ કર્યા. ચોથા નંબર પર ૨૦૧૪ માં શ્રીલંકા વિરુદ્ઘ રાંચીમાં ૧૩૯ રન ની ઇનિંગ રમી અને તો આગામી ઇનિંગમાં 9 , 4, 3*, 11, 12, 7, 16 રન જ કરી શક્યો હતો. 

વિરાટના વનડે કરિયર પર ધ્યાન આપીેએ છીએ કે, તેણે અત્યાર સુધી ૪૩ સેન્ચુરીમાં ૩૬ સેન્ચુરી ત્રીજા નંબર પર બેટિંગ કરીને કરી છે. ત્રીજા નંબર પર વિરાટની ગત પાંચ વનડે ઇનિંગ પર નજર નાખીએ છીએ તો, આ પ્રકારની છે. 120, 114*, 4, 0, 85.

ટીમ ઇન્ડિયાએ ઓસ્ટ્રેલિયાને આપ્યો ૨૫૫ રનનો ટાર્ગેટ :

ટીમ ઇન્ડિયાએ મુંબઈના વાનખેડે ખાતેની પ્રથમ વનડેમાં ઓસ્ટ્રેલિયાને 256 રનનો ટાર્ગેટ આપ્યો છે. ટીમ ઇન્ડિયા 49.1ઓવરમાં 255 રનમાં ઓલઆઉટ થઇ હતી. ઓપનર શિખર ધવને સર્વાધિક 74 રન કર્યા હતા. અન્ય કોઈ બેટ્સમેન ફિફટી મારી શક્યું ન હતું. લોકેશ રાહુલે 47, ઋષભ પંતે 28 અને રવિન્દ્ર જાડેજાએ 25 રન કર્યા હતા. રોહિત શર્મા, વિરાટ કોહલી અને શ્રેયસ ઐયર નિષ્ફ્ળ રહ્યા હતા. ત્રણેય અનુક્રમે 10, 16 અને 4 રને આઉટ થયા હતા. કાંગારું માટે મિચેલ સ્ટાર્કે 3 વિકેટ, જયારે કેન રિચાર્ડસન અને પેટ કમિન્સે 2-2 વિકેટ લીધી હતી.

ઓસ્ટ્રેલિયાએ 256 રનનો પીછો કરતા તેમણે 37.4 ઓવરમાં ટાર્ગેટ ચેઝ કર્યો છે. ડેવિડ વોર્નરે 128 રને અને આરોન ફિન્ચ 110 રન કર્યા . વોર્નરે કરિયરની 18મી અને ફિન્ચે 16મી સેન્ચુરી કરી છે. બંનેએ ભારત સામે વનડેમાં હાઈએસ્ટ પાર્ટનરશીપનો રેકોર્ડ પોતાના નામે કર્યો છે. અગાઉ સ્ટીવ સ્મિથ અને જોર્જ બેલીએ 2016માં પર્થ ખાતે 242 રનની પાર્ટનરશીપ કરી હતી.