અદ્ભૂત / VIDEO: ખમ્મા ગીરના સાવજને... એક સાથે 6 સિંહબાળ-2 સિંહણ, વાયરલ થયું વિહંગમ દ્રશ્ય

• સિંહબાળ સાથે સિંહણની લટાર
• માર્ગ પર લટાર મારતો સિંહ પરિવાર
• વીડિયો સોશિયલ મીડિયામાં વાયરલ

સિંહોના ગઢ ગણાતા અમરેલીમાં ફરી એકવાર સિંહે દેખા દીધા.  આમ તો અમરેલીમાં સિંહ દેખાવા કોઇ નવાઇની વાત નથી. પરંતુ વનના રાજાને જોવાનો લ્હાલો કોઇ ભાગ્યને જ મળે. ક્યારેય કોઇની વાડીમાં તો ક્યારેય રસ્તા પરથી પસાર થતા થતા સિંહ દર્શન થઇ જાય. લોકો સિંહને જોવા માટે દૂર દૂરથી સ્પેશિયલ આવે ત્યારે અમરેલીનો એક વીડિયો એવો સામે આવ્યો છે જેમાં સિંહ જ નહી પરંતુ તેનો આખો પરિવાર લટાર મારવા નીકળ્યો છે. 

સિંહણ સાથે સિંહબાળ નીકળ્યા લટાર મારવા

આપ જોઇ રહ્યા છો આ દ્રશ્યોમાં, રાતનો સમય છે અને વનરાજા સપરિવાર નીકળ્યા લટાર મારવા. આમ તો સિંહ નજીક આવીને ઉભો રહે તો ભલભલાને બીક લાગે પરંતુ રસ્તામાં એકાએક જ આવી ચઢે તો માણસ કરે પણ શું ?  આવી જ રીતે એક વાહનચાલકે સિંહ પરિવારનો વીડિયો મોબાઇલમાં કેદ કર્યો. આ દ્રશ્યો ધારીના આંબરડી ગામના છે.  બે સિંહણ સાથે 6 સિંહબાળ પણ જોવા મળતા સિંહપ્રેમીઓમાં ભારે ઉત્સાહ જોવા મળ્યો હતો. 

એક સાથે 6 બાળસિંહ દેખાયા

આ દ્રશ્યોમાં જોઇ શકાય છે કે એક બે નહીં પરંતુ 6 બાળસિંહ જાણે માતા સાથે ફરવા નીકળ્યા હોય. અહીં તહીં કૂદતા કૂદતા બાળસિંહો પણ મોજમાં જોવા મળી રહ્યા છે. આમ પહેલીવાર એક સાથે સિંહબાળને બે સિંહણ સાથે જોતા ખરેખર આનંદની લાગણી થઇ પડે છે. આ વીડિયો સોશિયલ મીડિયામાં ભારે વાયરલ થયો છે. જો કે રાતનો સમય છે એટલી બધુ સ્પષ્ટ જોઇ શકાતુ નથી પરંતુ સિંહફેમિલીના દૂરથી પણ દર્શન થાય તે ઘણી જ આનંદની વાત ગણાય છે.