જવાનને કશ્મીરમાં ઢોર માર મારવાની ઘટનાના વાયરલ VIDEOનું શું છે સત્ય જાણો

સોશિયલ મીડિયામાં વાયરલ થઈ રહેલા આ વીડિયોમાં જે દ્રશ્યો જોવા મળે છે તે કોઈને પણ વિચલિત કરી દે છે. આ વીડિયોનો દાવો છે કે કશ્મીરમાં સેનાના એક જવાનની પિટાઈ કરવામાં આવી. કશ્મીરી યુવાનો દ્વારા એક જવાનની પિટાઈ કરવાના આ દ્રશ્યો જે લોકોએ જોયા તેમણે સોશિયલ મીડિયામાં રોષ ઠાલવ્યો.
 
વાયરલ વીડિયો પર નજર કરતા વીડિયોમાં ભીડ એક વ્યક્તિ પર તૂટી પડે છે. અને લાતો વડે એ વ્યક્તિને કચડવામાં આવે છે. દાવો છે કે જેની પિટાઈ થાય છે તે સેનાનો જવાન છે. અને પિટાઈ કરતા જવાનના કપડાં પણ ફાડી દેવામાં આવે છે. ત્યારે શું છે આ વીડિયોની હકીકત તે જાણવું જરૂરી છે.જે અમે આપને જણાવીશું. 
 


વાયરલ વીડિયોની પડતાલ અમારી ટિમે હાથ ધરી અને કશ્મીરમાં આવી કોઈ ઘટના બની છે કે નહીં તે બાબતે જાણવાનો પ્રયાસ કર્યો હતો. પરંતુ હાલ આવી કોઈ ઘટના બની હોય તેવું જાણવા મળ્યું નથી.

પરંતુ જ્યારે અમે વધુ તપાસ કરી ત્યારે અમને એક હિન્દી ન્યૂઝ વેબસાઈટમાં આ માહિતી મળી. જેમાં લખવામાં આવ્યું હતું કે ચોટલી કાપવાની અફવામાં એક જવાનની પિટાઈ. 



ન્યૂઝ વેબસાઈટમાં લખ્યું હતું કે કુપવાડામાં ચોટલી કાપવાની અફવા ફેલાઈ હતી. જે બાદ ભીડને શંકા જતા એક જવાન પર હુમલો કર્યો. જોકે પોલીસ જવાનોએ ભારે જહેમત બાદ સેનાના જવાનને બચાવી લીધો.



આ ઘટના 17 ઓક્ટોબર 2017ની છે. આમ વાયરલ વીડિયો હાલનો નથી. જૂનો વીડિયો ખોટા ઉદ્દેશ્ય સાથે વાયરલ થઈ રહ્યો છે. આ વીડિયો સાચો છે પરંતુ તે હાલનો હોવાનો દાવો ખોટો સાબિત થાય છે.



આમ Vtvની પડતાલમાં વાયરલ વીડિયોનો દાવો ખોટો સાબિત થયો છે. આ વીડિયોને વર્તમાન સાથે કોઈ લેવાદેવા જ નથી. ઘણીવાર જૂના વીડિયોને પોસ્ટ કરી ખોટી માહિતી ફેલાવવાનો પ્રયાસ થતો હોય છે અને લોકોની લાગણી ઉશ્કેરવાનો પણ પ્રયાસ થતો હોય છે. માટે આવા વીડિયોથી સાવધાન રહેવાની જરૂર છે.