કોરોના મહામારીએ ગયા વર્ષથી અત્યાર સુધી વિશ્વમાં જેવો હાહાકાર મચાવ્યો છે, તેનાથી ઘણાં દેશો હજી સુધી ઉભર્યા નથી. કોરોના વેક્સિન આવ્યાં બાદ સ્થિતિ થોડી સામાન્ય થઇ છે. પરંતુ હજી કોરોનાની દહેશત યથાવત છે. આવી કટોકટીભરી સ્થિતિમાં કોરોના વેક્સિન લગાવવી અત્યંત જરૂરી છે.
સ્પેનની મહિલાએ પહેલાં કોરોના વેક્સિનનો કર્યો વિરોધ
કોરોના થયા બાદ લીધી કોરોના વેક્સિન
હવે આ મહિલા કોરોના વેક્સિન લેવા માટે લોકોને કરે છે જાગૃત
મહિલાએ પહેલા વેક્સિનનો વિરોધ કર્યો અને પછી વેક્સિન લીધી
કેટલાંક લોકો વેક્સિનના મહત્વને સમજી શક્યા નથી અને તેનો વિરોધ પણ દર્શાવી રહ્યાં છે. એક પેજ-3 મોડલે પહેલાં વેક્સિનનો વિરોધ કર્યો હતો. પરંતુ જ્યારે તેણે મોતને નજીકથી જોયુ તો વેક્સિનને લઇ તેનો વિચાર બદલાઇ ગયો. બ્રિટનના એસેક્સમાં રહેતી 43 વર્ષની હોલી અત્યારે સ્પેનમાં રહે છે. જ્યારે કોરોના વેક્સિન આવી તો હોલીએ તેનો ખૂબ વિરોધ કર્યો હતો. પરંતુ આ દરમ્યાન તેને બે વખત કોરોના થયો અને બંને વખત તેની તિવ્રતા એટલી બધી વધારે હતી કે તે મોતના દ્વાર સુધી પહોંચી ગઇ હતી. તબીબોએ તો તેના બચવાની 15 ટકા આશા સેવી હતી. જેને પગલે તે બેભાન થઇ ગઇ હતી. હોલીની તબિયત એટલી વધારે બગડી ગઇ હતી કે તેને શ્વાસ લેવાની નળીમાં અલગ પાઈપ લગાવવામાં આવ્યો હતો. જેના દ્વારા તે શ્વાસ લેતી હતી. કોરોનાને કારણે તેના ફેફસા ખરાબ થઇ ગયા હતા અને તેને નિમોનિયા થયો હતો. હોલીએ પોતાની માતાને એવુ પણ કહ્યું હતુ કે હવે તે બચશે નહીં. હોસ્પિટલમાં 6 અઠવાડિયા સુધી રહ્યાં બાદ જ્યારે તે સાજી થઇ ત્યારે તેને ઘર મોકલવામાં આવી.
મહિલાએ વેક્સિન લગાવવા માટે લોકોને જાગૃત કર્યા
પહેલાં તો તેણે વેક્સિનનો ખૂબ વિરોધ કર્યો. તેને લાગતુ હતુ કે તે દારુ ઓછુ પીવે છે. સ્મોકિંગ કરતી નથી અને કસરત વધારે કરે છે તો તેને કોરોના થઇ શકતો નથી. તેથી તે વેક્સિન લેવાની વિરુદ્ધમાં હતી. પરંતુ કોરોનાથી ભીષણ યુદ્ધ લડ્યા બાદ તેને સમજાયુ કે કોવિડ-19 મજાક નથી અને આ કોઈ પણ વ્યક્તિને થઇ શકે છે. ત્યારબાદ તેણે વેક્સિન લગાવવા માટે લોકોને અપીલ કરી અને પોતે પણ વેક્સિન લીધી. તેમણે કહ્યું કે, તે ખોટી છે. પરંતુ લોકો અચૂક વેક્સિન લગાવે. તે હવે લોકોને વેક્સિન લગાવવા માટે જાગૃત કરે છે.