નિવેદન / 'પાટીદાર સંસ્થાઓમાં રૂપિયાનું મહત્વ, સેવા ઘટી' પૂર્વ ગૃહ રાજ્યમંત્રી જુઓ કેમ આવું બોલ્યા?

મહેસાણા ખાતે પૂર્વ ગૃહ મંત્રી વિપુલ ચૌધરીની અધ્યક્ષતામાં અર્બુદા સેનાની બેઠક મળી હતી. આ બેઠકમાં વિપુલ ચૌધરીએ પાટીદાર સમાજ અંગે નિવેદન આપતા મામલો ભારે ચર્ચાસ્પદ બન્યો છે. વિપુલ ચૌધરીએ જણાવ્યુ હતુ કે, કડવા અને લેઉઆ પાટીદાર સમાજ વેપારી થઈ ગયો હોવાનુ જણાવી પશુપાલન કરતા કોઈપણ પાટીદાર વ્યક્તિ પાટીદાર સંસ્થામાં રહ્યા નથી. 

'કડવા અને લેઉવા પાટીદાર સમાજ વેપારી થઈ ગયો'
તેમણે કહ્યું હતું કે, પાટીદાર સંસ્થાઓમાં રૂપિયાનું મહત્વ છે અને સેવાનું મહત્વ ઘટી રહ્યું છે. અર્બુદા સેના હવે અર્બુદા સેવા સમિતિ તરીકે કામ કરીને આંજણા ચૌધરી સમાજના સવા લાખ સભ્યોની નોંધણી કરશે. આ ઉપરાંત તેમણે ભાજપને સમર્થન કરતા ઉમેર્યુ હતુ કે, પ્રજાનો મત ભૂતકાળ કરતા ભાજપ જોડે વધુ છે. તેથી અર્બુદા સેવા સમિતિ સરકારને પૂરે પૂરૂ સમર્થન આપશે.

વાંચવા જેવું: સુરતના વકીલની બદસૂરત કરતૂત, છૂટાછેડા કરાવવા આવેલી મહિલાનો કર્યો રેપ, જણાવી 3 વખતની હકીકત

'પાટીદાર સંસ્થાઓમાં સેવાનું મહત્વ ઘટી રહ્યું છે'
વિપુલ ચૌધરીએ કહ્યું હતું કે, પાટીદાર સમાજની શૈક્ષણિક સંસ્થાઓનો કોઈ એવો સભ્ય બચ્યો નથી કે, જે કોઈ એસટી બસમાં જાય કે, પશુપાલન વ્યવસાય સાથે સંકળાયેલો હોય એવો કોઈ કાર્યકર તેમની કારોબારીમાં બચ્યો નથી. વિપુલ ચૌધરીએ ઉમેર્યું હતું કે, તેમને ત્યાં પૈસાનો મહત્વ વધતું હોય તેમજ સેવાનો મહત્વ ઘટતું જતું હોય તેવું દેખાઈ રહ્યું છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો