- કોંગ્રેસ નેતા રાહુલ ગાંધીએ કરી પ્રેસ કોન્ફરન્સ
- રાહુલે કહ્યું મોદી સરકારે પેગાસસ દ્વારા સેન્ટ્રલ એજન્સી પર એટેક કર્યો
- પીએમ અથવા તો ગૃહમંત્રીએ પેગાસસનો ઓર્ડર આપ્યો-રાહુલનો મોટો આરોપ
સાંજના 4.30 કલાકે પ્રેસ કોન્ફરન્સને સંબોધિત કરતા રાહુલ ગાંધીએ મોદી સરકાર પર પ્રહાર કરતા જણાવ્યું કે સરકારે પેગાસસ દ્વારા દેશની સેન્ટ્ર્લ એજન્સી પર અટેક કર્યો છે. રાહુલે કહ્યું કે સુપ્રીમ કોર્ટે અમારી વાત પર મહોર લગાવી છે. રાહુલે કહ્યું કે પીએમ અથવા તો ગૃહમંત્રીએ પેગાસસનો ઓર્ડર આપ્યો હતો. રાહુલે એવું પણ કહ્યું કે અમે સંસદમાં ફરી વાર પેગાસસનો મુદ્દો ઉઠાવીશું.
સુપ્રીમ કોર્ટે અમારી વાતને ટેકો આપ્યો-રાહુલ ગાંધી
પેગાસસ જાસૂસી કાંડમાં સુપ્રીમની તપાસનું સ્વાગત કરતા રાહુલે કહ્યું કે સુપ્રીમ કોર્ટે અમારી વાતને અનુમોદન આપ્યું છે. અમે આ મુદ્દે વિરોધ કર્યો હતો પરંતુ અમને સંસદમાં બોલતા અટકાવાયા તેમ છતાં પણ અમને જવાબ ન મળ્યો. હવે અમારી વાતને સમર્થન મળ્યું છે. અમારો સવાલ તો ઊભો જ છે.
પેગાસસ કોણે ખરીદ્યું? રાહુલનો મોટો સવાલ
રાહુલે કહ્યું કે પેગાસસની કોણે મંજૂરી આપી. પેગાસસ કોણે ખરીદ્યું છે. પેગાસસ જાસૂસીનો કોણ ભોગ બન્યું. કોની પર હુમલા કરવામાં આવ્યાં. શું કોઈ રાષ્ટ્ર પાસે આપણા લોકોના ડેટા છે. તેમની પાસે કયા ડેટા છે. આ ત્રણ મુદ્દા અમે પૂછ્યા હતા.
પેગાસસ ભારતીય લોકશાહીને કચડી નાખવાનો પ્રયાસ
રાહુલે કહ્યું કે પ્રધાનમંત્રી રાષ્ટ્રની પર નથી, તેઓ દેશ પ્રત્યે જવાબદાર છે. રાહુલે કહ્યું કે કર્ણાટકમાં પેગાસસ દ્વારા સરકાર તોડી પાડવામાં આવી હતી. રાહુલે કહ્યું કે પેગાસસ ભારતીય લોકશાહીને કચડી નાખવાનો પ્રયાસ છે. આ એક મોટું પગલું છે કે સુપ્રીમ કોર્ટે કહ્યું છે કે તે આ મામલે તપાસ કરશે. તેમણે વિશ્વાસ વ્યક્ત કર્યો હતો કે આનાથી સત્ય બહાર આવશે.
મુખ્યમંત્રીઓ, ભૂતપૂર્વ પીએમ, ભાજપના મંત્રીઓની જાસૂસી કરાઈ-રાહુલ
રાહુલે કહ્યું કે મુખ્યમંત્રીઓ, ભૂતપૂર્વ વડા પ્રધાનો, ભાજપના પ્રધાનો અને અન્ય સામે પેગાસસનો ઉપયોગ કરવામાં આવ્યો હતો. શું પીએમ મોદી અને ગૃહમંત્રી અમિત શાહને પેગાસસનો ઉપયોગ કરીને ડેટા મળી રહ્યો હતો? જો ચૂંટણી પંચ, સીઈસી અને વિપક્ષી નેતાઓના ફોન ટેપિંગનો ડેટા પીએમ કરવા જઈ રહ્યો છે, તો તે ગુનાહિત કૃત્ય છે. કોંગ્રેસના નેતાએ કહ્યું કે, "અમે સંસદમાં પેગાસસનો મુદ્દો ઉઠાવ્યો હતો. પેગાસસ એ દેશની સંસ્થાઓ પર હુમલો છે. અમે 3 પ્રશ્નો પૂછ્યા: પેગાસસ કોણે ખરીદ્યું, કોઈ ખાનગી પાર્ટી તેને ખરીદી શકશે નહીં, તે સરકાર ખરીદી શકે છે. જેના પર તેનો ઉપયોગ કરવામાં આવ્યો હતો. શું અન્ય કોઈ દેશ પાસે પેગાસસ ડેટા હતો કે પછી તે ફક્ત ભારત સરકાર પાસે હતો? અમને જવાબ મળ્યો નહીં. વિપક્ષ એક સાથે ઊભો રહ્યો. આ દેશની લોકશાહી પર હુમલો છે.
