ભાગેડુ વિજય માલ્યા ઈન્ગલેન્ડમાં ભારત-પાકિસ્તાન મેચની મજા લેતો જોવા મળ્યો

ઇંગ્લેન્ડમાં રમાયેલ ચેમ્પિયન્સ ટ્રોફીમાં રવિવારના રોજ જ્યારે ભારત-પાકિસ્તાનની ટીમો બર્મિંઘમના અજબેસ્ટનમાં મેચ રમાય રહી હતી તો ભારતના ભાગેડુ બિઝનેસમેન વિજય માલ્યા પણ આ મેચની મજા લેતા જોવા મળ્યા હતા. લિકર બિઝનેસમેન વિજય માલ્યા ભારતીય બેન્કોના 9000 કરોડ રૂપિયાથી વધુ નાણાં આપવામાં અસફળ રહેતા દેશ છોડી ભાગ્યા છે અને તેઓ હાલ ઇંગલેન્ડમાં રહે છે.  

વિજય માલ્યા અજબેસ્ટન સ્ટેડિયમમાં દર્શકોના સ્ટેન્ડમાં બેઠેલા જોવા મળ્યા. સ્ટેન્ડમાં બેઠેલ વિજય માલ્યાની આ તસવીર સોશ્યલ વેબસાઇટ ટ્વિટર પર ખૂબ વાયરલ થઇ રહી છે. સાથે જ સોશ્યલ મીડિયા પર વિજય માલ્યા અને સુનીલ ગ્વાસ્કરનો આ ફોટો પણ ખૂબ વાયરલ થઇ રહ્યો છે. જો કે હાલ એ સ્પષ્ટતા નથી થઇ કે શું વિજાય માલ્યા અને સુનીલ ગ્વાસ્કરનો આ ફોટો આજના દિવસનો છે કે પછી કોઇ જૂનો ફોટો છે પરંતુ સોશ્યલ મીડિયા પર કહેવાય છેકે વિજય માલ્યા અને ભારતના પૂર્વ કેપ્ટન સુનીલ ગ્વાસ્કરની આ તસવીર આજની મેચની છે.