'બિકિની એરલાઇન્સ' ભારતમાં શરૂ કરશે પોતાની એર-સર્વિસ

વિયતનામની VietJet એરલાઇન પોતાના નામથી વધારે 'બિકિની એરલાઇન્સ'ના નામથી જાણીતી છે. આ એરલાઇન્સ પોતાની સેવાની ટૂંક સમયમાં ભારતથી શરૂ કરશે. એરલાઇન્સે એલાન કર્યુ છે કે તેની ફ્લાઇટ્સ નવી દિલ્હીથી વિયતનામના Chi Minh City સુધીની હશે. એરલાઇન્સની આ સેવા આ વર્ષના જૂલાઇથી ઓગ્સ્ટની વચ્ચે શરૂ થવાની આશા છે. સૂત્રોનુસાર આ ફ્લાઇટ નવી દિલ્હીથી અઠવાડિયામાં 4 વખત ઉડાન ભરશે. તમને જણાવી દઇએ કે એરલાઇન્સ પોતાના સેક્સીએસ્ટ માર્કેટિંગ માટે જાણીતી છે આ એરલાઇનને એન્ટરપ્રેન્યોર Nguyen Thi Phuong Thao ચલાવે છે. 

કોણે નક્કી કર્યો એરલાઇનનો ડ્રેસ કોડ:

એરલાઇનની એરહોસ્ટેસનો આ ડ્રેસ કૉડ CEO 'Nguyen Thi Phuong Thao'એ નક્કી કર્યો હતો. VietJet પોતાની ફ્લાઇટમાં છાસવારે ઓનબોર્ડ મોડેલિંગ શો કરવા માટે જાણિતી છે. 2002માં તો એરલાઇન્સે સ્થાનિક સૌદર્યસ્પર્ધાની ટોપ 5 સ્પર્ધકોને રેમ્પ પર ઉતારી હતી. જેના કારણે સેફ્ટી નીયમોના ભંગ માટે એરલાઇન્સને 55 000 રુપિયાનો દંડ પણ થયો હતો. તો આ વખતે તેમણે પ્લેનના એન્કર સાથે બિકિની પહેરેલી મોડેલને પરેડ કરાવી ફરી એકવાર વિવાદ સર્જ્યો હતો. કંપનીએ દાવો કર્યો હતો કે આ તો તેમણે નેશનલ ફૂટબોલ ટીમના ફાયદા માટે કર્યો હતો. જેમાં ટીમ તે જ પ્લેનમાં આ શોને જોવા માટે સવાર હતી.

રુઢીવાદી સામાજમાં અમારી એડ એમ્પારિંગ કરે છે:

VietJetના ફાઉન્ડર થી ફોંગ થાઓનો આ પ્રકારની જાહેરાત અંગે બિલકુલ અલગ જ વ્યૂ ધરાવે છે. તેઓ કહે છે કે ‘આ પ્રકારે જાહેરાત કરવાથી વિએતનામના રુઢીચુસ્ત સમાજમાં મહિલાઓનું એમ્પારિંગ કરી રહ્યા છીએ. અમને વિશ્વાસ છે કે વિએતનામના દરેક સ્ત્રી-પુરુષને એમ્પાવરમેન્ટનો આ કોન્સેપ્ટ પસંદ પડ્યો હશે.’ હવે જોવાનું એ રહે છે કે ભારત આવતી ફ્લાઇટમાં VietJet પોતાની આદત મુજબ આવા શો યોજે છે કે પછી સંસ્કારી ફ્લાઇટ બને છે.