Viral Video / દ્વારકામાં દેશી દારૂ વેચતા હોવાનો વીડિયો વાયરલ, ઓખામાં ખુલ્લેઆમ વેચાઈ રહ્યું છે દેશી દરૂ

રાજ્યમાં દારૂબંધી હોવા છતા અનેક જિલ્લાઓમાં દારૂનું વેચાણ થાય છે. ત્યારે હવે દેવભૂમિ દ્વારકામાં દારૂબંધીના ધજાગરા ઉડાવતો દેશી દારૂનો વીડિયો વાયરલ થયો છે. ઓખાના રેલવે સ્ટેશન વિસ્તારમાં ખુલ્લેઆમ દારૂનું વેચાણ થાય છે.. જેનો વીડિયો સોશિયલ મીડિયામાં વાયરલ થયો છે. આ વીડિયોમાં એક વ્યક્તિ ખુલ્લેઆમ દેશી દારૂની પોટલીઓ આપતો દેખાય છે. આ વીડિયો વાયરલ થતા પોલીસ પર પણ સવાલ ઉઠી રહ્યા છે. આ વીડિયો વાયરલ થતા પોલીસ દ્વારા શું કાર્યવાહી કરાશે તે આગામી દિવસોમાં જોવાનું રહેશે.