સાવજને સાવજ રહેવા દો / VIDEO: અમરેલીમાં ગેરકાયદે સિંહદર્શનની કરતૂત, પશુને દોરડા વડે બાધી વનરાજને મારણ માટે મજબૂર કરાયો

• ગેરકાયદે સિંહદર્શનની કરતૂત 
• લાયન શો માટે પશુને બાંધવામાં આવ્યા
• વીડિયો ગીર ગ્રામ્ય કે રેવન્યૂ વિસ્તારનો?

સિંહોના સંવર્ધન અને સંરક્ષણની વાત કરતું વન તંત્ર આ સિહદર્શનનો વાયરલ વીડિયો જુએ, ગેરકાયદે સિંહદર્શન કરતાં નમાલાઓની કરતૂત જુએ. પ્રકૃતિની સામે પડી અબોલ પશુને સિહના મારણ માટે બંધાયું છે. એ પણ ફક્ત લાયન શોની મજા લેવા..! ગીર કેસરીની ડણક જ કાફી છે તેના શિકાર કરવા માટે ભલભલાના હાજા ગગડી જાય પણ અહી તો ફક્ત આનદ માટે સાવજને તૈયાર શિકાર પીરસાઈ રહ્યો છે. અને પણ જીવત અબોલ પશુનો.

ફરી એક વાર ગેરકાયદે સિંહદર્શનની કરતૂતનો ખુલાસો થતાં ખળભળાટ મચ્યો છે. પોતાનાની મજા માટે ગેરકાયદેસર લાયન શો નીહાળવા કેટલા પ્રકૃતિ વિરુદ્ધના તત્વો અબોલ પશુને બાંધી અનોખી મજા લઈ રહ્યા છે. અમરેલીના ગીર પંથકનો વીડિયો અનેક સવાલ કરે છે કારણ કે સાવજ એટલો સક્ષમ છે કે પોતે મારણ  કરી પોતાનું પેટ ભરી શકે પણ અહી તો એક પશુને દોરડા વડે બાંધી સિંહને બોલાવવામાં આવે છે. અને સિંહને પિરસવામાં આવે છે. વીડિયો ગીર ગ્રામ્ય કે રેવન્યૂ વિસ્તારના ગામનો હોવાનું મનાઈ રહ્યું છે.  વીડિયો વાયરલ થતાં વનવિભાગની કામગીરી પર મોટા સવાલ ઉઠી રહ્યા છે. સિંહપ્રેમીઑમાં ભારો ભાર રોષ જોવા મળી રહ્યો છે.

ગેરકાયદે સિંહ દર્શન કરાવનારા કોણ છે?

• કંઇ રીતે સિંહના લોકેશન સુધી પહોંચે છે આ લોકો?
• પ્રવાસીઓ અને લાયન શો કરાવનારાનો સંપર્ક ક્યા થાય છે?
• શું વનતંત્રને ગેરકાયદે લાયન શો રોકવા સક્ષમ નથી?
• નિર્દોષ પશુઓને કેમ બનાવાય છે સિંહનો શિકાર?
• ગેરકાયદે લાયન શોની ગોઠવણ કરનારા ક્યારે પકડાશે?
• ગીરગ્રામ્ય કે રેવન્યૂ રેન્જમાં ગેરકાયદે લાયન શો ક્યારે થશે બંધ?
• આ પ્રકારે લાયન શો માણનારા સામે પણ તવાઇ કેમ નહીં?
• વનતંત્ર ઇચ્છે તો ગેરકાયદે લાયન શો બંધ ન થઇ શકે?