સોશિયલ મીડિયામાં દાંતા બેઠકના ભાજપના ઉમેદવારનો વીડિયો વાયરલ થયો છે કે, 'જો મને જીતાડશો તો દારૂ ખુલ્લેઆમ વેચી શકશો'
ગાંધીના ગુજરાતમાં દારૂની વાત
ભાજપના ઉમેદવારના વિવાદીત બોલ
'જો મને જીતાડશો તો દારૂ ખુલ્લેઆમ વેચી શકશો'
ગુજરાતમાં દારૂબંધીની વાત માત્ર કાગળ પર છે. ઠેર ઠેર દારૂ વેચાય છે ત્યારે હવે વિધાનસભાના ઉમેદવાર કહી રહ્યા છે કે, મને વોટ આપશો તો દારૂ ખુલ્લામાં વહેચી શકશો. ગાંધીના ગુજરાતમાં દારૂની રેલમછેલ દારૂબંધીના લીરે લીરા સહિતના વાક્યો દરરોજ સમાચારોમાં પ્રકાશિત થતા હોય છે. ગુજરાતમાં દારૂ ખુલ્લેઆમ વેચાય છે અને પીવાય પણ છે તે જનતા જનાર્દન જાણે છે દારૂબંધી માત્ર કાગળ પર પણ દારૂ સીધો ઘરે ડીલીવર થાય છે પાછુ અત્યારે તો ચૂંટણી હોવાથી દારૂની તો રેલમછેલ થવાની છે મતદારોને આકર્ષવા નેતાઓ દારૂ મફતમાં વહેંચશે! એવા નેતા કહે છે કે, જો હું ધારાસભ્ય બનીશ તો દારૂ તમે ખુલ્લે આમ વહેંચી શકશો જી હા, તમારે છૂપાઈને દારૂ વહેંચવાની જરૂર નહીં પડે આવુ બોલ્યા છે દાંતા બેઠકના ભાજપના ઉમેદવાર છે જેમનો વીડિયો વાયરલ થયો છે
ભાજપના ઉમેદવારનો દારૂને લઈ વીડિયો વાયરલ
દાંતા બેઠકના ભાજપના ઉમેદવાર છે જેમનો વીડિયો વાયરલ થયો છે તે લાતુભાઈ પારઘી ગ્રામજનોને લાલચ આપી રહ્યા હતા કે, જો તમે મને જીતાડશો તો તમારે સંતાઈને દારૂનું વેચાણ નહીં કરવુ પડે. આ ઉમેદવાર તો ખુલ્લામાં દારૂ વહેંચવાની વાત કરે છે ત્યારે એક સરપંચનો દારૂ મુદ્દે એક વીડિયો વાયરલ થયો છે.
સાવડા ગામના સરપંચની રાજકીય પક્ષોને ચિમકી
સાવડા ગામના સરપંચની રાજકીય પક્ષોને ચિમકી આપી છે તેમણે કહ્યું કે, રાજકીય પક્ષો અમારા ગામમાં દારૂ વહેચે નહીં અને દારૂ વહેચશો તો મત ખોવાનો વખત આવશે તેમણે ચીમકી પણ આપી છે કે, 10 ટકા મત મેળવવા ગામમાં દારૂ ન વહેંચશો અને 10 ટકા મત મેળવવા દારૂ વહેંચ્યો તો 90 ટકા મત ગુમાવશો
આમ તો ગુજરાતમાં દારૂબંધી છે. પરંતુ દારૂબંધીની વાસ્તવિક્તા સૌ જાણે છે. વાયરલ થયેલા બંને વીડિયોમાં દારૂની જ વાત છે. પરંતુ બંને એક બીજાના વિરોધમાં છે. એક દારૂ આપવાની વાત છે અને બીજામાં દારૂ ન આપવાની વાત છે પણ મહત્વનું છે કે ગાંધીના ગુજરાતમાં દારૂની વાત છે