અરે બાપ રે!! / VIDEO: ટુ-વ્હીલર્સ બાદ હવે ઈલેક્ટ્રિક કારમાં પણ આગ લાગવાની ઘટના, જાણો કંપનીએ શું આપ્યું નિવેદન

• અચાનક જ ઇલેક્ટ્રિક કાર Tata Nexonમાં આગ લાગી
• ઇલેક્ટ્રિક વાહનોની સુરક્ષા પર ઘણા સવાલ ઉઠ્યા
• સોશ્યલ મીડિયામાં વિડીઓ વાયરલ થવા પછી કંપનીએ આ વાતની જાંચ કરવાનો આદેશ આપ્યો 

ઇલેક્ટ્રિક સ્કુટરમાં આગ લાગવાની ઘટનાઓ એ ઇલેક્ટ્રિક વાહનોની સુરક્ષાને લઈને પહેલા જ ચિંતા વધારી રાખી હતી. હવે ભારતમાં સૌથી વધુ વંહેચાતી ઇલેક્ટ્રિક કાર Tata Nexonમાં આગ લાગવાનો પહેલો કિસ્સો સામે આવ્યો છે. જેનો વિડીઓ સોશ્યલ મીડિયા પર ખુબ વાઈરલ થઇ રહ્યો છે. આ ઘટના મુંબઈના વસઈની છે. જ્યાં અચાનક જ ઇલેક્ટ્રિક કાર Tata Nexonમાં આગ લાગી ગઈ હતી. આ વિડીઓમાં દલકર્મીઓ કારમાં લાગેલ આગને ઓલવવાની કોશિશ કરી રહ્યા છે. સોશ્યલ મીડિયામાં વિડીઓ વાયરલ થવા પછી કાર નિર્માતા કંપનીએ આ વાતની જાંચ કરવાનો આદેશ આપવામાં આવ્યો છે. 

@TataMotors @TataMotors_Cars @TeamBHPforum @NexonEVOwnerClb A nexon ev caught fire in vasai near mumbai. pic.twitter.com/CEQFQosxDg

— Ketan (@K10711988) June 22, 2022

મુંબઈના વસઈ વિસ્તાર પાસે લાગી હતી કારમાં આગ 
સોશ્યલ મીડિયા પર વાઈરલ વિડીઓ મુજબ મુંબઈના વસઈ વિસ્તારમાં આવેલ રેસ્ટોરન્ટ પાસે કારમાં આગ લાગી હતી. જો કે આગ લાગતાની સાથે જ દલકર્મીઓ તેને ઓલવવામાં લાગી ગયા હતા. આ આગ કેમ અને કેવી રીતે લાગી એ હજુ સ્પસ્ટપણે સામે આવ્યું નથી. 

ટાટા મોટર્સ આ વાતની જાંચ-પડતાલ કરી રહી છે- 
સોશ્યલ મીડિયા પર વાયરલ વિડીઓ મુજબ ઇલેક્ટ્રિકકારમાં આગ લાગ્યા પછી ટાટા મોટર્સે પ્રતિક્રિયા આપી છે કે કંપની આ વિશે ઊંડાણપૂર્વક જાંચ કરશે અને તથ્યો વિશે લોકો સુધી પુરતી માહિતી પંહોચાડશે. 

ઇલેક્ટ્રિક વાહનોની સુરક્ષા પર ઉઠ્યા પ્રશ્નો 
ઇલેક્ટ્રિક વાહનોમાં આગ લાગવી એ કોઈ નવી વાત નથી. જો કે ઇલેક્ટ્રિક કારમાં આગ લાગી આ કિસ્સો પહેલી વખત સામે આવ્યો છે. આ પહેલા ઘણા ઇલેક્ટ્રિક સ્કુટરોમાં આગ લાગી ચુકી છે. હાલ જ ઓલા ઇલેક્ટ્રિક S1 pro સ્કુટરમાં આગ લાગ્યા પછી ઇલેક્ટ્રિક વાહનોની સુરક્ષા પર ઘણા સવાલ ઉઠ્યા હતા પણ હજુ કોઈ ઠોસ પગલા લેવામાં આવ્યા નથી.