શોકજનક સમાચાર / વરિષ્ઠ પત્રકાર વિનોદ દુઆનું 67 વર્ષની વયે નિધન, પુત્રી મલ્લિકાની ભાવુક પોસ્ટ વાંચીને લોકો રડી પડ્યા

• વરિષ્ઠ પત્રકાર વિનોદ દુઆનું 67 વર્ષની વયે નિધન
• પુત્રી મલ્લિકાએ ટ્વીટ કરીને જાણકારી આપી 
• દુઆ ઘણા લાંબા સમયથી બીમાર હતા
• દિલ્હીની હોસ્પિટલમાં આઈસીયુ વિભાગમાં દાખલ હતા 

વિનોદ દુઆ દિલ્હીની હોસ્પિટલમાં આઈસીયુમાં હતા. ચાલુ વર્ષની શરુઆતમાં તેમને કોરોના થયો હતો ત્યારે હોસ્પિટલમાં દાખલ કરવામાં આવ્યાં હતા ત્યારથી તેમની તબિયત ખરાઈ થઈ હતી. 

સોશિયલ મીડિયા પર પિતાના નિધનના સમાચારની જાણકારી આપતા મલ્લિકાએ લખ્યું કે મારા  નીડર પિતા વિનોદ દુઆનું અવસાન થયું છે. તેઓ એક અદ્વિતિય જીવન વીતાવીને ગયા છે અને તેઓ દિલ્હીની એક શરણાર્થી કોલોનીમાંથી આગળ આવીને પત્રકારત્વના શિખરે પહોંચ્યા હતા. તેમણે પત્રકારત્વમાં 42 વર્ષની દીર્ઘ સેવાઓ આપી છે. તેઓ હમેંશા સત્ય માટે લડતા રહ્યાં હતા. તેઓ હવે અમારી માતા તેમની પત્ની ચિન્ના સાથે સ્વર્ગમાં હશે જ્યાં તેઓ બન્ને સાથે મળીને ગીત ગાશે, ટ્રાવેલ કરશે અને ડ્રાઈવિંગ કરશે. 

Senior journalist #VinodDua dies aged 67, confirms his daughter Mallika Dua. His cremation will take place tomorrow.

— NDTV (@ndtv) December 4, 2021

5 ડિસેમ્બરે દિલ્હીના લોદી રોડ સ્મશાનગૃહમાં તેમના અંતિમ સંસ્કાર કરાશે

મલ્લિકાએ જણાવ્યું કે આવતીકાલે 5 ડિસેમ્બરે દિલ્હીના લોદી રોડ સ્મશાનગૃહમાં તેમના અંતિમ સંસ્કાર કરાશે. ઉલ્લેખનીય છે કે વિનોદ દુઆ અને તેમની પત્ની પદ્માવતી બીજી લહેરમાં કોરોનાગ્રસ્ત થયા હતા. તેમને બન્નેને ગુરુગ્રામની હોસ્પિટલમાં દાખલ કરાયા હતા જ્યાં પદ્માવતીનું અવસાન થયું હતું. 

Senior journalist Vinod Dua passes away, confirms his daughter and actress Mallika Dua. His cremation will take place tomorrow, she posts.

(Pic Source: Vinod Dua Twitter account) pic.twitter.com/CmkSgOrWfP

— ANI (@ANI) December 4, 2021

વિનોદ દુઆની ભાવુક પોસ્ટ વાંચીને ઘણા લોકો રડી પડ્યાં

વિનોદ દુઆની ભાવુક પોસ્ટ વાંચીને ઘણા લોકો રડી પડ્યાં હોવાનો પણ અહેવાલ છે. તેઓ 42 વર્ષથી પત્રકારત્વ જગત સાથે સંકળાયેલા હતા એનડીટીવીથી માંડીને ઈન્ડીયન એક્સપ્રેક્સ સહિતના દિગ્ગજ મીડિયા હાઉસમાં તેઓ કામ કરી ચૂક્યા છે.