વરસાદ / મુંબઇમાં આજે સતત બીજા દિવસે પણ અતિભારે વરસાદની આગાહી, હવામાન વિભાગે રેડ અલર્ટ જાહેર કર્યું

• મુંબઇમાં આજે અતિભારે વરસાદની આગાહી
• સતત બીજા દિવસે પણ મુંબઇમાં વરસાદી આફત
• હવામાન વિભાગે જાહેર કર્યું રેડ અલર્ટ

આ ઉપરાંત થાણે અને રાયગઢમાં પણ ભારે વરસાદની આગાહી કરવામાં આવી છે. ગઇકાલે મુંબઇમાં થયેલા ભારે વરસાદ બાદ અનેક સ્થળોએ જળબંબાકારની સ્થિતિ સર્જાઇ હતી. નીચાણવાળા વિસ્તારોમાં પાણી ભરાઇ ગયા હતા. 

Very heavy rains overnight in many parts of Mumbai & surrounding areas including catchment areas. Intermittent Heavy rains to continue next 36 hours. Next couple of hours Northen suburbs will get battered. #MumbaiRains

— Mumbai Rains (@IndiaWeatherMan) August 5, 2020

ધડામ કરીને પડ્યો પહાડ 

મુંબઈકરો માટે વરસાદ હવે આફત બનીને આવી છે. મુંબઈના કાંદીવલી પાસે ભારે વરસાદના કારણે વેસ્ટર્ન હાઈ-વે પર ભૂસ્ખલન થયું હતું. અહીં પહાડનો એક ભાગ અચાનક ધસી પડ્યો હતો. જેના દ્રશ્યો પણ મોબાઈલમાં કેદ થયા છે. વીડિયોમાં દેખાઈ રહ્યું છે કે વરસાદના કારણે પર્વતનો એક ભાગ ધડામ કરીને પડી જવાના કારણે એક સાઈડનો માર્ગ બંધ કરી દેવાયો હતો. અચાનક જ ધડાકાભેર પહાડનો એક ભાગ ધસી પડ્યો અને હાઈ-વે પર કાટમાળ આવી પહોંચ્યો હતો. આ કારણોસર એક સાઈડનો માર્ગ બંધ થતાં ટ્રાફિક જામની સ્થિતિ સર્જાઈ હતી. તો ભૂસ્ખલન થતા કેટલાક વાહનોને નુકસાન થયું હતું. સદનસીબે મોટી જાનહાનિ ટળી હતી અને હાલ તંત્ર દ્વારા પથ્થરો રોડ પરથી હટાવવામાં આવી રહ્યા છે. 

ભારે વરસાદના કારણે જનજીવન અસ્તવ્યસ્ત 

Wednesday morning with Thunder and lightning plus massive rain since night ... #wednesdaymorning #MumbaiRains pic.twitter.com/xTcs8HLJMU

— Sᴜᴢᴀɴɴᴇ Bᴇʀɴᴇʀᴛ (@suzannebernert) August 5, 2020

મુંબઈમાં થયેલા ભારે વરસાદ બાદ અનેક સ્થળોમાં જળબંબાકાર જેવી સ્થિતિ છે. કેટલાક નિચાણવાળા વિસ્તારોમાં કમર સુધીના પાણી ભરાઈ ગયા છે. મુંબઇના માટુંગા વિસ્તારમાં આવેલા કિંગ સર્કલ પર ભારે પાણી ભરાઈ જતા અનેક વાહનો ફસાઈ ગયા હતા. બસ ચાલકો પણ બસને અધવચ્ચે જ મુકીને જતા રહ્યા હતા.

કેટલાક લોકોએ વાહનમાં પસાર કરવી પડી રાખી રાત 

મુંબઈમાં રાત્રી દરમિયાન થયેલા ભારે વરસાદના કારણે અનેક લોકોએ માર્ગો પર જ રાત વિતાવવી પડી હતી. અનેક વાહન ચાલકોના વાહનો બંધ થઈ ગયા હતા. તો કેટલાક વાહનચાલકોએ વાહનમાં જ રાત વિતાવી હતી. તો શહેરના  હજુ પણ કેટલાક વિસ્તારોમાં ભારે પાણી ભરાયેલા છે. બપોર બાદ હાઈટાઈડનું અલર્ટ છે. ત્યારે મુંબઈ મહાનગરપાલિકાના કમિશનરે જણાવ્યું કે પાણી કાઢવા માટે મશીનો મુકી દેવામાં આવ્યા છે.