રાજ્યમાં મગફળીની ઓનલાઈન રજિસ્ટ્રેશની કામગીરીની જાહેરાત બાદ ગ્રામ પંચાયતના VCE હડતાળ પર ઉતરી ગયા હતા. જેને લઈને ખેડૂતોને નોંધણી કરાવવામાં મુશ્કેલી પડી રહી છે. તો તલાટી મંત્રીઓએ પણ હડતાળ શરૂ કરી હતી. તેવામાં હવે અચાનક VCE અને તલાટીની હડતાળ તૂટવા લાગી છે. કારણ કે...
VCE અને તલાટીની હડતાળનો મામલો
VCEની છુટા કરતા તલાટીની હડતાળ તૂટવા લાગી
હડતાળમાં જોડાયેલા VCEને છૂટા કરવા આદેશ
ખેડૂતોની ટેકાના ભાવની મગફળી ખરીદવા માટે રજિસ્ટ્રેશન ચાલી રહ્યું છે. આ સાથે નુકસાનના વળતર માટેના ફોર્મ ભરવાની કામગીરી પણ ચાલી રહી છે. આ બંને ફોર્મ ભરી દેવાની છેલ્લી તારીખ 20 ઓક્ટોબર છે. આ વખતે વધુમાં વધુ મગફળી રજિસ્ટ્રેશન થાય તેવી શક્યતા છે. રાજકોટમાં માત્ર 5 દિવસમાં 59 હજાર ખેડૂતોએ રજિસ્ટ્રેશન કરાવ્યું છે. ગયા વર્ષે 82 હજાર ખેડૂતોએ રજિસ્ટ્રેશન કરાવ્યું હતું. જો કે આ સમય દરમિયાન VCE તેમના પડતર પ્રશ્નોના કારણે 1 ઓક્ટોબરથી હડતાળ પર ઉતર્યાં હતા. તો સાથે તલાટી પણ હડતાળ પર ઉતર્યા હતા. VCEને છૂટા કરવાના આદેશથી ફરી બધા કામે લાગ્યા છે. તલાટી મંત્રીઓએ પણ ફરી કામ શરૂ કર્યું છે.
DDOએ VCEને છૂટા કરવાના આદેશ કરતા તલાટીઓ કામે આવવા લાગ્યા
તેવામાં હવે DDOએ VCEને છુટા કરવાની કાર્યવાહી શરૂ કરી દીધી છે. ત્યારે હવે તંત્રએ કડક વલણ હાથ ધરતા તલાટીઓ કામે લાગી ગયા છે. VCEને છૂટા કરતા તલાટીની હડતાળ તૂટવા લાગી છે. તલાટીઓ ફરી રાબેતા મુજબ કામે આવવા લાગ્યા છે. તો હવે નાયબ જિલ્લા વિકાસ અધિકારીએ તાલુકા વિકાસ અધિકારીને હડતાળમાં જોડાયેલા VCEને છૂટા કરવા આદેશ કરવામાં આવ્યા છે. તો નવા VCEની નિમણૂંક કરવા માટે પણ આદેશ કર્યા છે.
હડતાળમાં જોડાયેલા VCEને છૂટા કરવા આદેશ
વીલેજ ઓપરેટરોની હડતાળની સાથોસાથ રાજકોટ જિલ્લાના તલાટી મંડળના પ્રમુખે જાહેર કરેલી વીજળિક હડતાળ શરૂ કરી હતી. જેના પગલે સરકારી તંત્ર ખફા થયુ છે. VCE કર્મચારીની હડતાળ મામલે મોટા સમાચાર એ છે કે, હડતાળ પરના તમામ કર્મચારીઓને છૂટા કરવા પરિપત્ર જાહેર કરવામાં આવ્યો છે. રાજકોટ જિ.પંના TDOને પરિપત્ર કરીને આદેશ કરવામાં આવ્યો છે. નાયબ જિલ્લા વિકાસ અધિકારીએઆ આદેશ કર્યો છે. આ સાથે જ નવા VCEઓની નિમણૂક માટે પરિપત્ર પણ બહાર પાડવામાં આવ્યો છે.
બનાસકાંઠા જિલ્લાના VCE મંડળે હડતાળ સમેટી
પડતર માંગોને લઇને બનાસકાંઠા જિલ્લાના VCE કર્મીઓ હડતાળ પર હતા. હડતાળને લઇ ખેડૂતો હાલાકી ભોગવી રહ્યા હતા. મગફળી રજિસ્ટ્રેશનની કામગીરી અટવાઇ હતી. ખેડૂતો હાલાકી ન ભોગવે તેને લઇ હટતાળ સમેટી છે. જિલ્લાના 840 ગામોમાં 635 VCE કર્મીઓ ફરજ પર કાર્યરત થશે. મગફળી રજિસ્ટ્રેશનની પ્રક્રિયા બાદ ફરી આંદોલન છેડાશે
અત્રે ઉલ્લેખનીય છે કે, VCEએ 30 તારીખ સુધીનું અલ્ટીમેટમ આપ્યું હતું. આ સમય દરમિયાન VCEની માંગ ન સંતોષાતા આખરે તેઓ હડતાળ પર ઉતર્યાં છે.
શું છે મામલો?
VCE ( Village Computer Interpreter ) તરીકે કામ કરતા ખેડૂતો અથવા તો ગામના જ ખેડૂતો બીજા લોકોને ઓનલાઈન રજિસ્ટ્રેશન અને ફોર્મ ભરવામાં પંચાયતની કચેરીએ મદદ કરી છે. જેમની કેટલીક માંગો છે અને તેમને ફોર્મ દીઠ મળતું કમિશન સરકાર તરફથી ન મળતા સરકાર સામે જંગે ચઢ્યા છે. ગત વર્ષ મગફળીનું રજિસ્ટ્રેશનનું મહેનતાણું હજુ સુધી મળ્યું નથી.
શું છે માંગણી?
કોરોના વાયરસ સામે સેફ્ટી વીમા કવચ મળે. છેલ્લા 2006થી કમિશન બેઝ પર કામ કરનારને ફિક્સ પગાર મળે અને બાકી મહેનતાણું મળી જાય.