પોતાના દમદાર અવાજ અને અલગ અંદાજને માટે યાદ આવનારા અમરીશ પુરીનો પૌત્ર વર્ધન પુરી વર્ષ 2019માં બોલિવુડમાં ડેબ્યૂ કરશે.
વર્ધન 'પાગલ' થી પોતાના કરિયરની શરૂઆત કરશે. હવે એક્ટિંગ તેણે વારસામાં મળી છે. પરંતુ પોતાની એક્ટિંગના મામલામાં પોતાના દાદાથી કેટલા અલગ છે તે જાણીને તમે પણ ચોંકી જશો.
વર્ધને પોતે એક ઇન્ટવ્યૂમાં જણાવ્યુ કે, ''હું મારા થિયેટરના શરૂઆતી દિવસથી મારી કૉમેડી અને કૉમિક ટાઇમિંગ માટે ફેમસ હતો.. જ્યારે તેમના દાદા અમરીશ પુરી હંમેશાથી વિલેનના રોલ કરવાનું પસંદ કરતા હતા અને એના માટે જ જાણીતા હતા.''
વર્ધન પોતાના ફિલ્મી બેકગ્રાઉન્ડને લઇને પોતાને લકી માને છે. તે હંમેશા કહે છે, ટેલેન્ટ તમને કામ અપાવે છે, પરંતુ જો ઇન્ડસ્ટ્રી બેકગ્રાઉન્ડમાંથી છે તો તમારા માટે દરવાજા જલ્દી ખુલી જાય છે, પરંતુ ઓડિયન્સની વચ્ચે જગ્યા બનવવા માટે તમારે પોતે મહેનત કરવી પડશે.
પોતાના દાદા અમરીશ પુરી વિશે વાત કરતા વર્ધને કહ્યુ કે, ''હું પાંચ વર્ષથી ઉંમરથી એક એક્ટર અને એન્ટરટેનર છું. ખાલી સમયમાં મારા દાદાજીની વિગ પહેરતો હતો અને તેમના 12 નંબરના જૂતા પહેરીને ઘરમાં ફરતો હતો.''
બિઝનેસ મેનેજમેન્ટમાંથી ગ્રેજ્યુએશન કરી ચૂકેલા વર્ધન ચાર્લી ચેપ્લિનનો ફેન છે. પોતાની આગામી ફિલ્મ 'પાગલ'ની તૈયારીને લઇને વાત કરતા વર્ધને કહ્યુ કે, ''આ ફિલ્મ માટે મેં 18 મહિના માટે પોતાન તમામ દોસ્તો માટે દૂરી બનાવી દીધી છે, કેમકે આ જ મારા કેરેક્ટરની ડિમાન્ડ હતી.''