આગામી પાંચ દિવસ વરસાદી માહોલને પગલે દરિયો માતેલો સાંઢ બન્યો છે. પાણીના 10 ફૂટથી પરણ વધુ ઉંચા મોજા ઉછળી રહ્યા છે. માછીમારોને દરિયે ન જવા વોર્નિંગ આપી દેવામાં આવી.
વલસાડના તિથલનો દરિયો તોફાની બન્યો, દરિયામાં ભરતીનો સમય
તાલુકાઓમાં વરસાદના ઝાપટા
તિથલ બીચ પર પ્રવાસીઓને આવવાની મનાઈ
વલસાડના દરિયે કરંટ જોવા મળી રહ્યો છે ત્યારે વરસાદી માહોલમાં મહાસાગર માતેલો સાંડ જેવું સ્વરૂપ ધારણ કર્યુ છે. માછીમારોને દરિયો ન ખેડવા વોર્નિંગ આપી દેવામાં આવી છે.
તીથલના દરિયામાં ઉંચા મોજા ઉછળી રહ્યા છે. તિથલ બીચ પર પ્રવાસીઓ માટે મનાઈ ફરમાવવામાં આવી છે. દરિયામાં ભરતી સમયે દરિયો તોફાની બન્યો છે અને તાલુકાઓમાં વરસાદી ઝાપટા થયા છે જ્યારે સમગ્ર જિલ્લામાં વાદળછાયું વાતાવરણ જામ્યું છે.
રાજ્યમાં સાયક્લોનિલ સર્ક્યુલેશન સક્રિય થતાં હવાનામ વિભાગે આવનાર પાંચ દિવસમાં ભારેથી અતિભારે વરસાદની આગાહી કરી છે. ખાસ કરીને દક્ષિણ ગુજરાત અને સૌરાષ્ટ્રમાં ભારે વરસાદની શક્યતા જોવાઇ રહી છે. આવનાર પાંચ દિવસમાં એટલે કે પાંચ, છ અને સાત જુલાઇએ દક્ષિણ ગુજરાત અને પાછળના બે દિવસ એટલે કે, આઠ અને નવ જુલાઇ સૌરાષ્ટ્રમાં ભારે વરસાદની આગાહી હવામાન વિભાગ દ્રારા કરાઇ છે.
દિવ દમણ દાદરા નગર હવેલી અને સૌરાષ્ટ્રના અમરેલી, જૂનાગઢ, ભાવનગરમાં પણ ભારે વરસાદની આગાહી કરી છે. આ સાથે વડોદરા, વલસાડ, તાપી સુરતમાં ભારેથી અતિભારે વરસાદ પડી શકે છે. સાયક્લોનિલ સર્ક્યુલેશન સક્રિય થતાં આવનાર પાંચ દિવસમાં રાજ્યમાં વરસાદી માહોલ જામશે તેવી શક્યતા જોવાઇ રહી છે.