વલસાડ: વાતાવરણમાં આવ્યો પલટો વાપીમાં સવારે થયો કમોસમી વરસાદ 

આભમાંથી વરસતા અંગાર વચ્ચે વલસાડમાં એકાએક વાતાવરણમાં પલટો આવ્યો છે. વાપીમાં વહેલી સવારે વરસાદી ઝાપટા વરસ્યા છે. આ વરસાદી ઝાપટાથી લોકોમાં ભારે ઉત્સાહ જોવા મળ્યો છે.

આ ઉપરાંત સમગ્ર વિસ્તાર પડતી ભારે ગરમીથી લોકોને રાહત મળી છે. વરસાદના કારણે લોકો ખુશ અને દુઃખી બંને છે એનું કારણ છે ખેતી. વરસાદી ઝાપટાના કારણે ખેતીમાં નુકસાન પહોચી શકે છે.

આ કમોસમી વરસાદથી કેરીના પાકને નુકસાન જવાની ભીતિ ખેડૂતો સેવી રહ્યાં છે. ઉમંગ સાથે ખેડૂતોની ચિંતા પણ વધી રહી છે કે તેમના પાકને નુકસાન પહોચશે. પરંતુ આવી અહસ્ય ગરમીમાં વહેલી સવારે વરસાદી ઝાપટા આવતા ખેડૂતોમાં પણ દુઃખ કરતા ઉમંગની લાગણી વધારે જોવા મળી હતી.