રાજ્ય માં છેલ્લા કેટલાક સમયથી યુવતીઓની એક ગેંગ યુવકોને મોબાઈલ પર વાત કરી અને તેમને મોહજાળમાં ફસાવી તેમની પાસેથી રૂપિયા પડાવતી હોવાના એક મોટુ ષડયંત્ર ચાલતું હોવાનો પર્દાફાશ થયો છે. ત્યારે રાજ્ય ના છેવાડે આવેલ વલસાડ જિલ્લાની પારડી પોલીસ સ્ટેશનમાં સેલવાસના એક દુકાનદાર એ પોતે મહિલાઓ દ્વારા એક ટ્રેપ નો ભોગ બન્યો હોવાની ફરિયાદ દાખલ થઈ હતી. પોતાને મહિલા પોલીસ અને મહિલા આયોગ અધિકારીની ઓળખ આપી યુવકોને ઠગતી આ બે યુવતીઓની ધરપકડ કરી છે.
બે મહિલાની ગેંગ થઇ એક્ટિવ
માયાજાળમાં ફસાવીને પડાવતી હતી રૂપિયા
વલસાડમાં યુવકો બન્યા હનીટ્રેપનો ભોગ
માયાજાળમાં ફસાવ્યા યુવકોને
વલસાડ જિલ્લાના પારડી પોલીસ સ્ટેશનમાં આ મહિલાોને લઇ જવામાં આવી હતી. આ મહિલાઓના શાતિરદિમાગે કેટલાય યુવકોને ચૂનો લગાવ્યો છે. આ યુવતીઓ વલસાડ અને પાડોશી સંઘ પ્રદેશ દાદરા નગર હવેલીમાં છેલ્લા કેટલાક સમયથી રંગીનમિજાજી યુવકોને ફોન પર વાત કરી અને પ્રેમની જાળમાં ફસાવી રૂપિયા ખંખેરતી હતી. આ મહિલાએ દાદરા નગર હવેલીના એક દુકાનદાર યુવકને પહેલા પોતાની માયાજાળમાં ફસાવ્યો હતો અને ત્યાર બાદ પોતે મહિલા પોલીસમાં હોવાનું જણાવી અને તેની પાસેથી તોડના દસ હજાર પડાવી લીધા હતા. જો કે આ મામલો પોલીસ સ્ટેશન પહોંચી જતા પારડી પોલીસે બે યુવતીઓ સહીત એક યુવક ની ધરપકડ કરી લીધી છે.
મહિલા પોલીસ હોવનું કહેતી હતી
શ્વેતા ધર્મેશ પટેલ અને જયશ્રી પટેલ નામની આ બે યુવતીઓ ના કારનામા અંગે આપને વિસ્તારથી જણાવીએ તો શ્વેતા ગેંગમાં મહિલા પોલીસનું પાત્ર ભજવતી હતી, જ્યારે જયશ્રી પટેલ યુવકોને ફોન પર રંગીન વાતો કરી ફસાવતી હતી. થોડા દિવસ અગાઉ સેલવાસના વિનોબા ભાવે સિવિલ હોસ્પિટલ નજીક સ્ટેશનરીની નાની દુકાન ધરાવતા કુણાલ ભંડારી નામના એક યુવક પોતે જ્યારે દુકાન પર હતો તે વખતે જ જયશ્રી પટેલ નામની એક યુવતી દુકાન પર આવી હતી અને પોતાના મોબાઈલ રિચાર્જ કરાવવાનું છે તેવું કઈ યુવકને પોતાનો મોબાઈલ નંબર આપ્યો હતો અને ત્યાર બાદ બંનેએ મોબાઈલ નંબરની આપ લે કરી હતી .
દુકાનદારને બનાવ્યો શિકાર
જોકે થોડા દિવસ બાદ જયશ્રીએ દુકાનદાર કુણાલ ભંડારીને ફોન પર કોઈ બહાને વાત કરી દોસ્તી કરી હતી અને ત્યારબાદ બંને વચ્ચે ફોન પર વાતચીત ચાલતી હતી. અચાનક જ કુણાલ ભંડારીને શ્વેતા પટેલ નામની એક મહિલા નો ફોન આવ્યો. શ્વેતાએ પોતાની ઓળખ મહિલા પોલીસ અધિકારી તરીકે આપી હતી અને તેણે કુણાલને જણાવ્યું કે તે જયશ્રી નામની અનેક યુવતીને ફોન પર વાત કરી તેને પરેશાન કરતો હોવાની પોલીસમાં ફરિયાદ દાખલ થઇ છે.
ધમકી આપી પડાવ્યા 10000 રૂપિયા
આથી આ કેસની પતાવટ કરવી હોય તો દસ હજાર રૂપિયા લઇ અને વલસાડ જિલ્લાના પારડી ની જૂની મામલતદાર કચેરી નજીક અમદાવાદ-મુંબઈ નેશનલ હાઈવે પર આવવા જણાવ્યું હતું અને જો પતાવટ નહીં કરે તો જેલની હવા ખાવાનો વખત આવશે ત્યારે આવી ધમકી પણ આપી હતી. આથી ભોગ બનેલી યુવક કુણાલ ભંડારીએ પતાવટ માટે રૂપિયા 10,000 આપી પતાવટ કરી હતી. જોકે ત્યારબાદ કુણાલ શક પડતા તેને તપાસ કરતા શ્વેતા પટેલ નામની કોઈ મહિલા પોલીસમાં ફરજ બજાવતી જ નહીં હોવાની હકીકત જાણવાા મળી. આથી કુણાલ ભંડારીએ એ પોલીસની શરણ લીધી હતી અને પારડી પોલીસ સ્ટેશનમાં શ્વેતા પટેલ અને જયશ્રી નામની બે મહિલા સહીત જીતુ પટેલ ની ધરપકડ કરી લેવામાં આવી હતી.