વડોદરા / દૂષિત પાણી આપવાનું પડ્યું ભારે, બે એન્જિનિયરોને કરાયા સસ્પેન્ડ

આથી નિમેટા પ્લાન્ટ બનાવનાર અને પ્લાન્ટનું ઓએનેમ કરતી બંને એજન્સીઓને બ્લેક લીસ્ટ કરવામાં આવી છે. જ્યારે બે એન્જિનિયરને સસ્પેન્ડ કરવામા આવ્યા. મળતી માહિતી મુજબ નાયબ કાર્યપાલક ઈજનેર મનસુખ બગડાને ફરજ મૌકુફ કરવામાં આવ્યા. તો નાયબ કાર્યપાલક ઈજનેર કૌશિક પરમારને સસ્પેન્ડ કરાયા. 

મહત્વનું છે કે,વડોદરાના પૂર્વ વિસ્તારને પીવાનું પાણી પૂરું પડતા નિમેટા ખાતેના પ્લાન્ટમાં સફાઈના અભાવે લોકો ગંદુ પાણી પીતા હતા અને અનેક વિસ્તારોમાંથી ફરિયાદો પણ ઉઠી હતી. 

અત્યાર સુધી મહાનગરપાલિકા તમામ શુદ્ધિકરણ પ્લાન્ટ અને ટાંકીઓ સાફ કરી હોવાના દાવા  કરતી હતી. જોકે નિમેટા ખાતેના પ્લાન્ટને મેયર અને સ્ટેન્ડિંગ કમિટીના ચેરમેનની હાજરીમાં સાફ કરવામાં આવ્યો હતો. જેમાં સ્પષ્ટ જોવા મળ્યું હતું કે આ પ્લાન્ટને સાફ જ કરવામાં આવ્યો ન હતો અને તેનું પાણી વડોદરાની જનતાને પીવડાવવામાં આવતું હતું.