વડોદરામાં નવરાત્રીનાં તહેવારને લઈને તંત્રએ કવાયત હાથ ધરી છે. ગરબાના આયોજન સ્થળો પર આરોગ્ય વિભાગ ત્રાટક્યું હતું. ગરબા સ્થળે ચાલતા ફૂડકોર્ટ પર ખાદ્યપદાર્થોનું ચેકિંગ કરવામાં આવ્યું હતું.
કલાનગરી યુનાઈટેડ-વેમાં ચેકિંગ હાથ ધરવામાં આવ્યુ હતું. કલાનગરીમાં અખાદ્ય પદાર્થો મળી નોટીસ ફટકારવામાં આવી હતી. 2 ટીમો બનાવીને ગરબાના ફૂડઝોન પર ચેકિંગ કરવામાં આવ્યુ હતું.
આપને જણાવી દઇએ કે નવરાત્રીના તહેવારને પગલે આરોગ્ય વિભાગે દરોડાની કાર્યવાહી હાથ ધરી છે. કેટલાક વેપારીઓ દ્વારા જનતાના સ્વાસ્થ્યને નુકસાન પહોંચે તેવો ખાદ્ય પદાર્થ વહેંચવામાં આવતો હોય છે જેને લઇને રાજકોટનું આરોગ્ય તંત્ર સતર્ક થતાં વિવિધ સ્થળો પર દરોડા પાડવાની કામગીરી હાથ ધરવામાં આવી હતી.
ઉલ્લેખનીય છે કે ગઇકાલે રાજકોટ તથા સુરત ખાતે પણ સ્થાનિક આરોગ્ય વિભાગના અધિકારીઓ દ્વારા ખાદ્યચીજોનું વેચાણ કરતા લોકોને ત્યાં દરોડા પાડવાની કામગીરી હાથ ધરવામાં આવી હતી અને મોટા જથ્થામાં રહેલા અખાદ્ય ચીજ વસ્તુઓનો નાશ કર્યો હતો.