VIDEO: ઓસ્ટ્રેલીયાની મહિલા ક્રિકેટ ટીમે વડોદરા પોલીસ સ્ટેશનની કરી મુલાકાત

વડોદરા:ઓસ્ટ્રેલિયાની મહિલા ક્રિકેટ ટીમે વડોદરા શહેર મહિલા પોલીસ સ્ટેશનની મુલાકાત લીધી હતી. ઓસ્પામ ઇન્ડીયા NGOએ મહિલા પોલીસ સ્ટેશનની મુલાકાત ગોઠવી હતી. NGO ઓસ્ટ્રેલિયામાં મહિલાઓ માટે કામ કરે છે. અને મહિલા સુરક્ષા માટે ગુજરાત ભારતમાં શુ વ્યવસ્થા છે તેની જાણકારી મેળવી હતી.

ઉલ્લેખનીય છે કે ભારત સામે ત્રણ મેચો રમાવાની છે ત્યારે આજે આ ટીમે વડોદરા મહિલા પોલિસ સ્ટેશન ની મુલાકાત લીધી હતી. પ્રોસ્પોમ ઈન્ડીયા નામની NGO ભારત અને ઓસ્ટ્રેલિયામાં મહિલા સુરક્ષા અને કાયદા માટે  કામ કરે છે તેમણે આ મુલાકાત ગોઠવી હતી.

આ મુલાકાતમાં મહિલાઓ માટે કેવી રીતે કામ કરવામાં આવે છે અને રાજ્યસરકારની 181 અભયમ હેલ્પલાઇનના માધ્યમથી જે મહિલાઓને મદદ મળી હોય તેવી મહિલાઓ સાથે પણ મુલાકાત કરી હતી.ઓસ્ટ્રેલિયાની મહિલા ક્રિકેટ ટીમે લગભગ દોઢ કલાક જેટલો સમય અહીં વિતાવ્યો હતો અને મહિલા સુરક્ષાની મહિતી મેળવી હતી.