વડોદરા / એક્ટિવા ચાલકનો અકસ્માત થયો તો ડેકીમાંથી દારૂની બોટલો રોડ પર ખખડી, પોલીસ મથક નજીક ઘટના બનતા ચોમેર ચર્ચા

• વડોદરામાં ફરી એકવાર દારૂબંધીની ખુલી પોલ 
• એક્ટિવા ચાલકનો અકસ્માત થતાં રોડ પર દારૂની રેલમછેલ થઈ
• ગોરવા પોલીસ સ્ટેશનથી 100 મીટરના અંતરે જ રેલાયો વિદેશી દારૂ 

ગુજરાતમાં કહેવાતી દારૂબંધી વચ્ચે વડોદરા શહેરમાં દારૂની પોલ ખોલતો વીડિયો સામે આવતા પોલીસ તંત્ર પર સવાલ ઉઠી રહ્યા છે. શહેરના ગોરવા વિસ્તારમાં એક્ટિવ ચાલકનો અકસ્માત થતા સ્કુટરમાં રહેલો વિદેશી દારૂની રોડ પર રેલમછેલ થઈ હતી. પ્રાપ્ત માહિતી પ્રમાણે વડોદરા શહેરના ગોરવા વિસ્તારમાં એક્ટિવામાં દારૂનો જથ્થો ભરી પસાર થઈ રહેલા એક્ટિવા ચાલકને  અકસ્માત નડ્યો હતો. આ દરમિયાન અકસ્માત થતાની સાથે જ સ્કુટરમાં રહેલો વિદેશી દારૂ રોડ પર ઢોળાતા ભોપારું છતું થયું હતું.

અકસ્માત બાદ રોડ પર દારૂની રેલમછેલ

મહત્વનું છે કે દારૂ, ગાંજાના દુષણને લઈને વડોદરા પોલીસ અનેક વખત લોક રોષનો ભોગ બની છુકી છે. ત્યારે ગોરવા પોલીસ સ્ટેશન વિસ્તારના 100 મીટરમાં જ રોડ પર દારૂ રેલાતા પોલીસ તંત્ર સામે સવાલો ઉભા થઇ રહ્યા છે. 30 થી 40 જેટલા વિદેશી દારૂના ટીન રોડ પર જોવા મળ્યા હતા. આ જોઈ સ્થાનિક લોકોમાં ચર્ચાનો મુદ્દો બની રહ્યો છે.