ડીસેમ્બર મહિનામાં આવી શકે છે કોરોના વાયરસની રસી : પૂનાવાલા
ઓક્સફર્ડ યુનિવર્સિટીની રસી પર પરિક્ષણ કરી રહી છે સીરમ ઇન્સ્ટીટયુટ
ભારત સહીત દુનિયામાં કોરોના વાયરસના કેસમાં સતત વધારો થઇ રહ્યો છે એવામાં જેમ જેમ વધુને વધુ ટ્રાયલ કરવામાં આવી રહ્યા છે તેમ તેમ વેક્સિનની નજીક ભારત પહોંચી રહ્યું છે. પહેલા સંભાવના હતી કે આવતા વર્ષની શરૂઆતમાં કોરોના વાયરસની રસી ગમે ત્યારે આવી શકે છે પરંતુ હવે સીરમ કંપનીના અદાર પૂનાવાલાએ કહ્યું છે કે કોરોના વાયરસની રસી ડિસેમ્બર મહિનામાં આવી શકે છે.
કોરોના વાયરસના કારણે દેશમાં સતત કેસ વધી રહ્યા છે ત્યાં કોરોના રસીને લઈને સીરમ ઇન્સ્ટીટયુટ દ્વારા મોટું નિવેદન આપવામાં આવ્યું છે. અદાર પૂનાવાલાએ કહ્યું કે કોરોના વાયરસની રસી ડીસેમ્બર મહિના સુધીમાં આવી જાય તેવી સંભાવના છે. જોકે પૂનાવાલાએ એમ પણ કહ્યું કે તેમાં ઘણું બધું બ્રિટનના પરીક્ષણ અને DCGIની મંજૂરી પર નિર્ભર કરે છે.
ભારતના પૂણેમાં ઓક્સફર્ડ યુનિવર્સિટીની કોરોના વેક્સિનના ટ્રાયલ કરવામાં આવો રહ્યા છે. લંડનની મોટી હોસ્પિટલ દ્વારા કોરોના વેક્સિનની પહેલી બેચ પ્રાપ્ત કરવા માટે તૈયાર રહેવા માટે કહેવામાં અવાયું છે.
લંડનથી પ્રાપ્ત અહેવાલો અનુસાર કોરોના વાયરસની વેક્સિન હજુ ત્યાં ટ્રાયલ હેઠળ છે છતાં મોટા ભાગની હોસ્પિટલ દ્વારા લીલી ઝંડી બતાવી દેવામાં આવી છે અને તેને પ્રાપ્ત કરવા માટે તૈયાર રહેવા આદેશ આપવામાં આવ્યા છે. કોરોના વાયરસની વેક્સિનને લઈને ઓક્સફર્ડની આ વેક્સિનથી લોકોની આશામાં વધારો થયો છે.