વડોદરા / ઉત્તરાયણમાં બજારમાં મળતી ચિક્કી ખાતા પહેલા એકવાર જોઈ લો આ વાયરલ વીડિયો

• વડોદરામાં બિન આરોગ્યપ્રદ રીતે બનાવાય છે ચિક્કી  
• આરોગ્ય સાથે થઈ રહ્યા છે ચેડાં  
• હોંશથી ખાતા પહેલાં થોડી રાખજો સાવધાની  

ઉત્તરાયણને લઈને વડોદરા મહાનગરપાલિકાના ફૂડ વિભાગે શહેરમાં 32 સ્થળોએ મેન્યુફેક્ચરીંગ યુનિટો અને દુકાનોમાં તલ, ચિક્કી, ઉંધીયુ, તેલ, ગોળ, ઘી અને બેસનનું ચેકિંગ હાથ ધર્યું હતું. આ દરમિયાન 7 વેપારીઓને શિડ્યુલ-4ની નોટિસ ફટકારીને સ્વચ્છતા જાળવવા માટેની કડક સૂચના આપી હતી અને કોવિડ-19ની ગાઇડલાઇનનું પણ પાલન કરવા માટેની સૂચના આપી હતી. આ વચ્ચે વડોદરાનો એક વીડિયો વાયરલ થયો છે.

જેમાં ગંદા ભોંયતળિયે ચિક્કી બનાવવામાં આવી રહી છે. જમીન પર ચિક્કીને પાથરીને બનાવવામાં આવતી હોવાનું નજરે પડી રહ્યું છે. આ વીડિયોમાં સ્પષ્ટ જણાઇ આવે છે કે, બિન આરોગ્યપ્રદ રીતે આ બનાવવામાં આવી રહી છે. લોકોના સ્વાસ્થ્ય સાથે ચેડાં થઇ રહ્યા છે. ત્યારે જો તમે ચિક્કી ખાતા હોવ તો થોડી સાવધાની રાખજો. જોકે આ વીડિયા બાદ પણ તંત્ર ઊંઘતું નજરે પડી રહ્યું છે. આ મામલે હજુ સુધી કોઇ કાર્યવાહી કરવામાં આવી નથી. આ જગ્યા પર જાગૃત નાગરિકો દ્વારા દરોડા પાડવામાં આવ્યા હતા. વીડિયો ઉતરાય છે છતાં ચિક્કી બનાવવાનું ચાલું છે.