VIDEO: દર્દનાક અકસ્માત યુવતીના શરીરના બે ટુકડા 10 મિનીટ તડપતી રહી જિંદગી મા મને બચાવી લો

તમે અત્યાર સુધી ઘણી અકસ્માતની ઘટનાઓના સમાચારો જોયા હશે પરંતુ અમે આપને જે અકસ્માતની ઘટના બતાવવા જઈ રહ્યા છે તેમાં માનવતાનું મોત નિપજ્યું છે. સૌ કોઈની અંતરઆત્માને હચમચાવી દે તેવી આ ઘટનાએ લોકોને એ વિચાર કરવા માટે મજબૂર કર્યા હતા કે શું કોઈ અકસ્માતમાં તડપતું હોય ત્યારે વીડિયો બનાવવું જરૂરી છે? કે પછી જીવ બચાવવું જરૂરી છે? 

તડપતી રહી જિંદગી 
ઉત્તર પ્રદેશના મેરઠમાં અકસ્માતની દર્દનાક ઘટના 
માતાના ખોળામાં તડપતી રહી દીકરી
લોકો વીડિયો બનાવવામાં રહ્યા વ્યસ્ત 
કોઈ મદદ માટે આગળ ન આવ્યું 
દીકરીના શરીરના થયા બે ટુકડા 
હોસ્પિટલ પહોંચતા દીકરીનું મોત નિપજ્યું 

સોશિયલ મીડિયામાં વાયરલ થઈ રહેલા આ અકસ્માતના વીડિયોમાં એક માતાના ખોળામાં તેની વ્હાલસોયી દીકરી તડપતી રહી અને આખરે આ દીકરીએ હોસ્પિટલ પહોંચતા અંતિમ શ્વાસ લીધા. મેરઠના શાસ્ત્રીનગર હાપુડ રોડ પર 15 વર્ષની કનક વર્મા તેના દાદા સાથે ટયુશન ક્લાસ તરફ જઈ રહી હતી અને ત્યારે જ એક ટ્રકની અડફેટમાં બંને આવી ગયા. જેમાં દાદા તો રસ્તાની બાજુમાં ફંગોળાઈ ગયા પરંતુ કનક વર્મા ટ્રકના ટાયર નીચે કચડાઈ ગઈ અને કનકના શરીરના બે ટુકડા થઈ ગયા. કનકની માતાને આ ઘટનાની જાણ થતા તે ઘટના સ્થળે દોડી ગઈ હતી અને પોતાની વ્હાલસોયી દીકરીને મોતના મુખમાં જતા જોઈ આઘાતમાં સરી પડયા હતા. 

મારી દીકરી મારી દીકરી 
અરે કોઈ તો ઉઠાવી લો 
મારી દીકરીને બચાવી લો 
મારી દીકરી ઓ મારી દીકરી 

એક માતા કે જેની દીકરીના શરીર પર થોડી ખરોચ પણ આવી જાય તો માતાનું હ્યદય કંપની જતું હતું. તે માતાએ જ્યારે તેની દીકરીને બે ટુકડામાં જોઈ ત્યારે એ માતા આઘાતમાં સરી પડી. આ માતાની ચીખ ભલભલાના કાળજા કંપાવી દે તેવી હતી. કારણ કે ત્યાં એક દીકરીની જિંદગી સમાપ્ત થઈ રહી હતી. પરંતુ આ જિંદગીની સાથે અહીં માનવતા પણ મરી રહી હતી. કારણ કે જ્યારે કનક વર્મા તડપી રહી હતી ત્યારે ત્યાં હાજર લોકો આ ઘટનાનો વીડિયો બનાવવામાં વ્યસ્ત હતા. કોઈએ એવી તસ્દી પણ ન લીધી કે કનકને ઉઠાવીને તાત્કાલિક હોસ્પિટલ લઈ જવામાં આવે. અથવા તો તાત્કાલિક એમ્બ્યુલન્સ બોલાવવામાં આવે પરંતુ આવું કંઈપણ ન થયું. 

કનકના શરીરના બે ટુકડા થયા છતાં પણ તેના શ્વાસ ચાલી રહ્યા હતા. માતા તરફ જોઈને કનકે મા...મા શબ્દો પણ ઉચ્ચાર્યા. 10 મિનિટ સુધી કનક તેની માતાના ખોળામાં તડપતી રહી અને તેના અંતિમ શબ્દો હતા. મા આઈ લવ યુ.
 
કનકની માતા અને તેનો ભાઈ ઘટના સ્થળે પહોંચ્યા અને કનકને હોસ્પિટલ જઈ જવામાં આવી હતી. જે બાદ કનકે હોસ્પિટલ પહોંચતા અંતિમ શ્વાસ લીધા હતા. કનક વર્મા ધોરણ 10ની વિદ્યાર્થિની હતી અને ઘરેથી પોતાની માતાને ટયુશન જવા માટે કહીને નિકળી હતી. માતાએ પણ વ્યાલસોયી દીકરીને ઘરેથી ટયુશન જતા જોઈ. પરંતુ એ માતાને ક્યાં ખબર હતી કે તેમની દીકરી માટે આજે અંતિમ દિવસ હશે. આ ઘટનાને લઈને અમુક સવાલો પણ ઉભા થઈ રહ્યા હતા કે ઘટના સ્થળે ઉપસ્થિત લોકોએ કનકને કેમ ન બચાવી? શું વીડિયો ઉતારવું જરૂરી હતું? આ ઘટના બાદ જોકે લોકોએ ટ્રક ડ્રાઈવરને ઝડપી લીધા હતા અને પોલીસે ઘટના સ્થળે પહોંચીને આરોપી ટ્રક ડ્રાઈવરની ધરપકડ કરી હતી પરંતુ જો લોકોએ કનકનો જીવ બચાવવા માટે પ્રયાસ કર્યો હોત તો આજે કદાચ એક માતાને તેની દીકરી ખોવાનો વારો આવ્યો ન હોત.

તડપતી રહી જિંદગી 
ઘટના સ્થળે ઉપસ્થિત લોકોએ કનકને કેમ ન બચાવી? 
શું વીડિયો ઉતારવું જરૂરી હતું?