કપટ / ટ્રમ્પે ચીન વિશે ફરી આપ્યું એવું નિવેદન કે દુનિયા ચોંકી જશે, કહ્યું આ આંકડો...

• ચીનમાં અચાનક મૃતકોની સંખ્યા વધી
• વુહાનમાં મૃતકોની સંખ્યાં 2579થી વધી 3869 થઈ
• દુનિયાને હકિકત છુપાવી રહ્યું છે ચીન

શંકાના દાયરામાં છે ચીનના આંકડા

ચીનમાં કોરોના વાયરસમાં મરનારાઓની સંખ્યા શરુઆતથી જ શંકા ઉપજાવે તેવી છે. આ દરમિયાન ચીને અચાનક 1290ના મોત થયાની જાણકારી દુનિયાને આપી છે. દુનિયા અત્યાર સુધી આ મોતના આંકડાથી અજાણ હતી. આ સાથે જ ચીને આંકડામાં વધારો કર્યો છે.

ચીનમાં અમેરિકા કરતા વધારે  મોત

અમેરિકામાં રાષ્ટ્રપતિ ડોનાલ્ડ ટ્રમ્પે શુક્રવારે આ ઘટનાક્રમ પર ટ્વીટ કરી પ્રતિક્રિયા આપી હતી. ટ્રમ્પે ટ્વીટ કરી કહ્યું કે‘ચીને અદ્દશ્ય શત્રુના કારણે થનારા મોતના આંકડા 2 ગણા કરી દીધા છે. આ તેના કરતા પણ વધારે છે. અમેરિકા કરતા પણ વધારે ... કે તેની આસપાસ પણ નહીં...’   

China has just announced a doubling in the number of their deaths from the Invisible Enemy. It is far higher than that and far higher than the U.S., not even close!

— Donald J. Trump (@realDonaldTrump) April 17, 2020

ચીનમાં અચાનક મોતના આંકડામાં વધારો થયો 

ઉલ્લેખનીય છે કે પહેલા કોરોના વાયરસનું એપી સેન્ટર બનેલા વુહાન શહેરના અધિકારીઓએ મોતના આંકડામાં 50 ટકા વધારો કરી નાંખ્યો છે. અધિકારીઓએ કહ્યું છે કે તેમને વુહાનમાં થયેલા મોતના આંકડામાં 1290 નવા મોત જોડ્યા છે. વુહાનમાં પહેલા વાયરસને લીધે 2579 મોત થયા હતા. પરંતુ ખરેખર આ મોતનો આંકડો 3869 છે. જેથી 2579માં 1290 નવા આંકડા જોડાયા છે.

ચીન પર આવા આક્ષેપ છે

આ સાથે જ ચીનમાં કોરોના વાયરસથી થયેલા કુલ મોતના આંકડામાં વધારો થઈ 4632 થઈ ગયા છે. પરંતુ અમેરિકાએ અનેકવાર ચીન પર કોરોના વાયરસથી થયેલા મોતના આંકડામાં ગડબડ હોવાની વાત કરી ચીન પર આક્ષેપ કર્યા છે કે તે સત્ય છુપાવી રહ્યું છે.