US Elections 2020 / Result: જ્યોર્જિયામાં અંતિમ ઘડીએ પલટાઈ બાજી: ડોનાલ્ડ ટ્રમ્પથી જો બાઇડન 917 મતથી આગળ નીકળ્યા

• અમેરિકાની રાષ્ટ્રપતિ ચૂંટણીમાં ઉતાર ચઢાવ યથાવત
• જ્યોર્જિયા અને પેન્સિલવેનિયામાં ટ્રમ્પની લીડમાં ઘટાડો

અમેરિકાના જ્યોર્જિયામાં અંતિમ ઘડીએ પલટાઈ બાજી

યુએસમાં રાષ્ટ્રપતિની ચૂંટણીને લઇને ચાલી રહેલી મતગણતરીમાં જ્યોર્જિયામાં અંતિમ ઘડીએ બાજી પલટાઇ ગયેલી જોવા મળી છે. જેમાં જ્યોર્જિયામાં ટ્રમ્પથી બાઇડેન આગળ નીકળ્યાં છે.  ડોનાલ્ડ ટ્રમ્પથી જો બિડેન 917 મતથી આગળ નીકળ્યા હોવાનુ સામે આવ્યું છે. જો કે હાલમાં જ્યોર્જિયામાં 99 ટકા મતની ગણતરી થઈ ચૂકી છે.

આ સાથે એરિઝોના અને નેવાદામાં જો બાઇડેન આગળ નીકળ્યાં છે. એરિઝોનામાં બાઇડેને 51.1 ટકા મત જ્યારે ટ્રમ્પને 48.5 ટકા મત મળ્યાં છે. નેવાદામાં બિડેનને 49.4 ટકા મત તેમજ ટ્રમ્પને 48.5 ટકા મત મળ્યાં છે. જો કે પેન્સિલવેનિયામાં ડોનાલ્ડ ટ્રમ્પ આગળ હોવાનું સામે આવ્યું છે. પેન્સિલવેનિયામાં ટ્રમ્પને 49.6 ટકા મત અને બાઇડેને 49.3 ટકા મત મળ્યાં છે.

અમેરિકાની રાષ્ટ્રપતિની ચૂંટણીમાં ઉતાર-ચઢાવ યથાવત જોવા મળી રહ્યો છે. જેમાં જ્યોર્જિયા અને પેન્સલવેનિયામાં ડોનાલ્ડ ટ્રમ્પની લીડમાં સતત ઘટાડો જોવા મળી રહ્યો છે. જ્યોર્જિયામાં ટ્રમ્પની લીડ ઘટીને 1775 અને પેન્સિલવેનિયામાં ટ્રમ્પની લીડ ઘટીને 26216 થઇ ગયેલી જોવા મળી છે. 

ફેસબુકની ટ્રમ્પ સમર્થકો પર કાર્યવાહી

ફેસબુક દ્વારા ડોનાલ્ડ ટ્રમ્પના સમર્થકોના એક મોટા ગ્રુપ પર પ્રતિબંધ લગાવી દેવામાં આવ્યો છે, જેમાં 'Stop the stal' નામનું કેમ્પેઇન શરુ કરવામાં આવ્યું હતું. ગ્રુમાં હિંસા ફેલાવા અંગેની વાત કહેવામાં આવી રહી હતી અને મતની ગણતરીમાં ખોટુ થઇ રહ્યાંને અટકાવવાની વાત કહેવામાં આવી હતી. ફેસબુક, ટ્વિટર અને ઇન્સ્ટાગ્રામમાં પહેલાથી અમેરિકાની ચૂંટણીને લઇને કડક વલણ અપનાવામાં આવી રહ્યું છે. 

બાઇડેનને સમર્થકોને ધીરજ રાખવા અપીલ કરી

એક તરફ અમેરિકાના રાષ્ટ્રપતિ ડોનાલ્ડ ટ્રમ્પે એકવાર ફરી ટ્વિટ અને પત્રકાર પરિષદ દ્વારા મતગણતરી રોકવા અપીલ કરી છે, તો બીજી તરફ જો બાઇડેનને પોતાના સમર્થકોને ધીરજ રાખવા અપીલ કરી છે.