ચીનના રાષ્ટ્રપતિ અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે આર્જેન્ટીનામાં G-20 શિખર સંમેલન દરમિયાન અલગથી થયેલી વાતચીત સફળ બતાવવામાં આવી રહી છે. લાંબી ચાલેલી બેઠક બાદ અમેરિકા દ્વારા પરસ્પર વેપારમાં 90 દિવસ સુધી કોઇપણ પ્રકારનો ટેક્સ લગવામાં આવશે નહીં. બંને દેશોએ આ વાર્તાને સફળ ગણાવી છે.
ઉલ્લેખનીય છે કે છેલ્લા ઘણા સમયથી અમેરિકા અને ચીન વચ્ચે ટ્રેડવોર ચાલી રહ્યું હતું. જો કે આ સમયગાળા દરમિયાન બંને દેશ વેપાર મુદ્દે કોઇ નવી સમજૂતિ કરવાનો પ્રયાસ કરશે.
ચીનના દ્વારા જણાવવામાં આવ્યું છે કે બંને નેતાઓના નિર્ણયથી દુનિયાની બે મોટી અર્થવ્યવસ્થા વચ્ચે વેપાર મોરચે ચાલી રહેલો વિવાદ હાલમાં થંભી ગયો છે.
અમેરિકાના રાષ્ટ્રપતિ ભવનના પ્રવક્તાએ જણાવ્યું કે ડોનાલ્ડ ટ્રમ્પ અને ચીનના રાષ્ટ્રપતિ વચ્ચે ડીનર ડિપ્લોમેસી દરમિયાન વેપાર યુદ્ધને ખત્મ કરવાને લઇને કરવામાં આવેલી ચર્ચા સફળ રહી છે.
દ્વિપક્ષીય બેઠકમાં બંને નેતાઓ સ્થિતિ સુધારવા પર આશા વ્યક્ત કરી છે. અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું કે આશા છે કે અંતમાં એવું કંઇક મળશે જેમાં ચીન અને અમેરિકા બંને માટે સારું હોય.