નવા નિયમ / ધોરણ 5થી ઉપરના તમામ વિદ્યાર્થીઓને મફતમાં અપાશે કોન્ડમ, આ દેશમાં ગજબ આદેશથી ખળભળાટ

• નવી એજ્યુકેશન પોલીસી લાગુ પાડવામાં આવશે
• પાંચમા ધોરણથી ઉપર ભણતા વિદ્યાર્થીઓ માટે કોન્ડોમની વ્યવસ્થા
• લોકોએ આ નિયમ શરમ જનક અને સાવ નબળી માનસિકતા વાળો ગણાવ્યો

નવી એજ્યુકેશન પોલીસી લાગુ પાડવામાં આવશે
અમેરિકાના શિકાગોમાં શાળાઓમાં એક નવીન પ્રકારનો આદેશ આપવામાં આવ્યો છે અને આ આદેશની સમગ્ર દુનિયામાં સોશિયલ મીડિયા દ્વારા ઘણી ચર્ચાઓ થઈ રહી છે. નવી પોલિસી મુજબ પાંચમા ધોરણ કે તેનાથી ઉપર ભણતા વિદ્યાર્થીઓ માટે શાળામાં કોન્ડોમની વ્યવસ્થા કરવી પડશે. એક રિપોર્ટ અનુસાર આ નવી પોલિસી ડિસેમ્બર 2020માં લાગુ પાડવાની હતી, પરંતુ કોરોના મહામારીના કારણે શાળાઓ બંધ હોવાથી આ પોલિસી લાગુ પાડવામાં આવી નહીં. સાથે  જ ત્યાંના સ્વાસ્થ્ય વિભાગ દ્વારા મફતમાં કોન્ડોમ ઉપલબ્ધ કરાવવામાં આવશે.   

Chicago will put free condoms in its elementary schools.

What about taking on the gangs so children can walk to school without the fear of being shot instead?

— Andrew Pollack (@AndrewPollackFL) July 6, 2021

પાંચમા ધોરણથી ઉપર ભણતા વિદ્યાર્થીઓ માટે કોન્ડોમની વ્યવસ્થા
પ્રાપ્ત જાણકારી મુજબ શિકાગો પબ્લિક સ્કૂલ બોર્ડ એજ્યુકેશન દ્વારા નવી પોલિસી બનાવી છે. આ નવી પોલિસી મુજબ પાંચમા અને તેનાથી ઉપર ભણતા બધા જ ધોરણના બાળકો માટે કોન્ડોમની વ્યવસ્થા કરવી પડશે. એટલે કે આ પોલિસી મુજબ 10 વર્ષથી ઉપરના તમામ બાળકો માટે કોન્ડોમની સગવડ કરવાના આદેશ આપવામાં આવ્યા છે. આ કરવા પાછળ એવું કારણ બતાવવામાં આવી રહ્યું છે કે આ નિયમ મુજબ બાળકો યૌન સંક્રમણ, HIV ઇન્ફેક્શન, અને ઈચ્છા વગરની પ્રેગ્નેન્સીથી બચી શકાશે. 

વિરોધમાં આવ્યા વિદ્યાર્થીઓના પેરેન્ટ્સ 
હાલ કોરોના મહામારીના કારણે શિકાગોમાં શાળાઓ ઘણા સમયથી બંધ છે જે આવતા મહિનાથી શરૂ થશે. શાળાઓ શરૂ થતાં જ નવી એજ્યુકેશન પોલિસી લાગુ પડી જશે. આ નિયમની  જાણકારી થતાં જ સોશિયલ મીડિયા પર બાળકોના વાલીઓ દ્વારા આક્રોશ જોવા મળ્યો છે. લોકો આ પોલિસી પર સવાલ ઉઠાવી રહ્યા છે. બાળકોના માતા-પિતા અને અન્ય લોકો આ નિયમ શરમ જનક અને સાવ નબળી માનસિકતા વાળો ગણાવ્યો છે.