ઉત્તર પ્રદેશ / પ્રાથમિક શાળામાંથી મોટો છબરડો સામે આવ્યો, રાષ્ટ્રગાનમાંથી 'ઉત્કલ બંગ' શબ્દ ગાયબ

• યુપીની એક પ્રાથમિક શાળાના પુસ્તકોમાં મોટો છબરડો
• રાષ્ટ્રગાનમાંથી ઉત્કલ બંગ શબ્દ ગાયબ કરી દીધો
• કોંગ્રેસે કહ્યું કે, બંગાળ હારનું દુ:ખ હજૂ ભુલ્યા નથી

ઉત્તર પ્રદેશની પ્રાથમિક શાળામાં વિદ્યાર્થીઓને અધુરુ રાષ્ટ્રગાન ભણાવામાં આવી રહ્યું છે.આ મામલો કૌશાંબી જિલ્લાનો છે. અહીં બાળકોને ધોરણ 5ના અઢી લાખ પુસ્તકોના રાષ્ટ્રગાનમાં ઉત્કલ બંગ શબ્દ ગાયબ છે. મામલો સામે આવ્યા બાદ જિલ્લા પ્રશાસન દ્વારા તેને પ્રિન્ટીંગ મિસ્ટેક બતાવી રહ્યા છે. તો વળી કોંગ્રેસે સરકારી પુસ્તકોમાં ભૂલ પર ભાજપ સરકારને આડે હાથ લીધી છે. કોંગ્રેસ કહ્યું કે, બંગાળ હારનું દુ:ખ હજૂ સુધી ભૂલી શક્યા નથી. એટલા માટે રાષ્ટ્રગાનની પંક્તિમાંથી ઉત્કલ અને બંગ રાજ્યના નામ જાણી જોઈને છુપાવ્યા છે. 

હકીકતમાં જોઈએ તો, જે પુસ્તકોમાં આ ભૂલ છે તે ધોરણ 5માં ભણાવવામાં આવે છે. પુસ્તકનું નામ વાટિકા છે. આ પુસ્તકના છેલ્લા પાને રાષ્ટ્રગાન લખેલુ છે. તેમાં પંજાબ સિંધ ગુજરાત મરાઠા દ્વાવિડ.. બાદ ઉત્કલ બંગ શબ્દ જ નથી.  બાદમાં ડાયરેક્ટ પાંચમી લાઈનમાં વિંધ્ય-હિમાચલ-યમુના-ગંગા...થી શરુ થાય છે. તેની જાણકારી બાળકોએ શિક્ષકો અને વાલીઓને આપી તો, હડકંપ મચી ગયો હતો. શિક્ષકોએ તાત્કાલિક તેની જાણકારી બીએસએને આપી દીધી.

બંગાળની હાર ભૂલી શક્યા નથી, તો બંગ ગાયબ કરી દીધું

રાષ્ટ્રગાનમાં ભૂલને લઈને ગંભીર સવાલો થઈ રહ્યા છે કે, બાળકોને શા માટે આવું રાષ્ટ્રગાન શિખવામાં આવે છે. જે ખોટુ છે. શાસને આ પુસ્તક કૌશાંબીની પરિષદીય શાળામાં મોકલી છે. તો વળી આ મામલે હવે રાજકારણ પણ શરુ થઈ ગયું છે. કોંગ્રેસે ભાજપની બંગાળ વિધાનસભા ચૂંટણીમાં હાર સાથે તેને જોડી દીધું છે. આ મામલામાં કોંગ્રેસ અધ્યક્ષ અરુણ વિદ્યાર્થીએ જણાવ્યું છે કે, ભાજપ બંગાળની હારનું દુખ ભૂલી શક્યુ નથી. એટલા માટે રાષ્ટ્રગાનની પંક્તિઓમાંથી ઉત્કલ અને બંગ રાજ્યના નામ જાણી જોઈને છપાવ્યા નથી. તેઓ આ મામલાને લઈને આંદોલન ચલાવશે.