ટેક્નોલોજી / તમારા પીસીમાં Mozilla Firefox બ્રાઉઝર હોય તો તાત્કાલિક આ કામ કરો

અમેરિકાની હોમલેન્ડ સિકયોરિટી ડિપાર્ટમેન્ટ હેઠળ કામ કરતી કમ્પ્યુટર ઇમર્જન્સી રેડીનેસ ટીમે પણ એલર્ટ જાહેર કરીને પીસીમાં ફાયરફોકસ બ્રાઉઝર હોય તો તેને અને પીસીની સિકયુરિટી સિસ્ટમને અપડેટ કરવા જણાવ્યું છે.

સાયબર સિકયોરિટી એન્ડ ઇન્ફ્રાસ્ટ્રકચર એજન્સીએ પણ ચેતવણી આપીને બ્રાઉઝરને તાકીદે અપડેટ કરવા કહ્યું છે. આ બગ બહુ ક્રિટિકલ છે અને હેકર આસાનીથી તમારા પીસીમાં ઘુસી શકે છે. મોબાઇલ હોય પીસી કે પછી લેપટોપ, હેકરનો અને માલવેરનો ખતરો હંમેશા રહે છે.

તેથી કોઇપણ બ્રાઉઝર, સોફટવેર કે પછી એપ સતત અપડેટ  કરતા રહેવું જોઇએ. તે ડિવાઇસના પર્ફોર્મન્સ માટે પણ એટલું જ જરુરી છે. મોબાઇલ યુઝ કરતા ઘણા ખરા લોકોને તેની જાણકારી હોતી નથી અથવા તો તે અંગે સાવ લાપરવાહ હોય છે.

તેઓ મોબાઇલમાં રહેલી એપ નિયમિત અપડેટ કરતા નથી. તો મોબાઇલ કંપની દ્વારા અપાતા સિસ્ટમ અપડેટ ઉથવા તો કોઇ બગ ફિકસ કરવા અપાતા અપડેટને પણ ઇગ્નોર કરે છે. આવા લોકો પછી મોબાઇલ હેંગ થવાની અને બેટરી ઝડપથી ઉતરી જતી હોવાની ફરીયાદો કરતા હોય છે. પ્રોબ્લેમ મોટાભાગે તેમના મોબાઇલમાં હોતો  નથી પરંતુ તેમની સિસ્ટમ અપ ટુ ડેટ નહીં હોવાથી સમસ્યા સર્જાય છે.