બનાસકાંઠામાં કમોસમી વરસાદ થતા ખેડૂતોને પરેશાનીનો સામનો કરવો પડી રહ્યો છે. વાવાઝોડા સાથે આવેલા વરસાદથી પાક નમ્યા છે. ઘઉ, એરંડા, રાયડો, વરિયાળી જેવા પાક જમીન દોસ્ત થયા છે. ખેડૂતોના તૈયાર પાક પર પાણી ફરી વળ્યા છે. કુદરતી આફત સામે ખેડૂતો લાચાર બન્યા છે.
રાજ્યમાં કમોસમી વરસાદનો કહેર
વરસાદથી ખેડૂતોની વધી ચિંતા
રોગચાળો વકરવાની પણ દહેશત
રાજ્યમાં હવામાન વિભાગે વાતાવરણ પલટાની આગાહી કરી છે. હવામાન વિભાગની આગાહી વચ્ચે રાજ્યના અનેક જિલ્લાઓમાં વાતાવરણમાં પલટો જોવા મળ્યો છે. ત્યારે આજે ફરી પણ અમદાવાદમાં વાદળછાંયુ વાતાવરણ જોવા મળ્યુ. ગુરૂવારે અમદાવાદના કેટલાક વિસ્તારોમાં કમોસમી વરસાદ વરસ્યો હતો..ત્યારે આજે પણ ફરી એક વખત વરસાદ આવે તેવી શક્યતા છે.
સુરતમાં ધોધમાર વરસાદ
રાજ્યમાં ગઇકાલથી વાતાવરણમાં પલટો આવ્યો છે. આજે પણ સુરતમાં વહેલી સવારથી વાતાવરણમાં પલટો જોવા મળ્યો છે. વાતાવરણના પલટા સાથે અડાજણ વિસ્તારમાં કમોસમી વરસાદ થયો છે. કમોસમી વરસાદથી ખેડૂતોની ચિંતામાં વધારો થયો છે. તો સાથે જ કમોસમી વરસાદથી રોગચાળો વકરવાની પણ દહેશત છે.
નવસારી શહેરમા અચાનક વાતાવરણમાં પલટો
નવસારી શહેરમા અચાનક વાતાવરણમાં પલટો આવતા સમગ્ર પથકમાં વરસાદી માહોલ જામ્યો છે. નવસારી સહિતના તમામ વિસ્તારોમાં કમોસમી વરસાદને કારણે ખેડૂતોના પાકને ભારે નુકસાન થયુ છે. કમોસમી વરસાદને કારણે ડાંગર, શેરડી, ચીકુ જેવા પાકને ભારે નુકસાન થયું છે. ત્યારે પાકને નુકસાન થતા ખેડૂતોની હાલત કફોડી બની છે
સાબરકાંઠામાં રાત્રે ગાજવીજ સાથે કમોસમી વરસાદ
સાબરકાંઠામાં રાત્રે ગાજવીજ સાથે કમોસમી વરસાદ થયો છે. હિંમતનગર, ઇડર, વડાલી, ખેડબ્રહ્મા તાલુકામાં વરસાદ થયો છે. કમોસમી વરસાદથી ખેડૂતો ચિંતાતુર બન્યા છે.
વલસાડમાં કેરીનો પાક બગડ્યો
વલસાડ જિલ્લામાં વહેલી સવારથી વાતાવરણમાં પલટો જોવા મળ્યો. વહેલી સવારથી આકાશમાં વાદળછાયું વાતાવરણ છવાયું. વાપી પંથકમાં વરસાદી ઝાપટા પડ્યા. કમોસમી વરસાદના કારણે કેરીના પાકને નુકસાનીની ભીતી સેવાઈ રહી છે. ઉનાળાની સીઝનમાં જિલ્લામાં વરસાદ થતા ખેડૂતોમાં ચિંતાનો માહોલ જોવા મળ્યો છે