નવા મહિને એટલે કે જુલાઈની શરૂઆતમાં દેશ અનલૉક 2 તરફ આગળ વધી રહ્યો છે. આ સમયે આર્થિક ગતિવિધિઓ ધીરે ધીરે સામાન્ય થઈ રહી છે. બેંકિંગ સાથે જોડાયેલા સામાન્ય કામકાજ પણ સારી રીતે ચાલે તે માટે અહીં આખા મહિનાની તારીખો આપવામાં આવી છે કે જ્યારે બેંકોમાં રજા રહેશે. આ તારીખો યાદ રાખીને તમે તમારા કામ સરળતાથી પતાવી શકો છો.
જુલાઈ મહિનામાં 12 દિવસો બેંકો રહેશે બંધ
મેઘાલય અને અગરતલ્લામાં આ દિવસોએ રહેશે બેંકોં બંધ
રવિવાર અને શનિવાર મળીને આટલા દિવસ બેંકમાં રહેશે રજા
રાષ્ટ્રીય સ્તરની વાત કરીએ તો આ મહિને 5,12,19 અને 26 જુલાઈએ રવિવાર છે. આ દિવસે બેંકમાં રજા રહેશે.
આ સિવાય 11 અને 25 જુલાઈએ મહિનાનો બીજો અને ચોથો શનિવાર છે. આ બંને દિવસોએ પણ બેંકોમાં સંપૂર્ણ રજા રહેશે. આ સાથે 31 જુલાઈએ બકરી ઈદના કારણે બેંકો બંધ રહેશે.
જો રાજ્યોની વાત કરીએ તો 8 અને 17 જુલાઈએ મેઘાલયમાં બેંકોમાં કામકાજ બંધ રહેશે. મેઘાલયમાં 87 જુલાઈએ બેહ દીન્ખલામ અને 17 જુલાઈએ યૂ તિરોટ સિંગ દિવસની ઉજવણી કરાશે.
સિક્કિમમાં 13 જુલાઈએ ભાનુ જયંતિ અને 24 જુલાઈએ દ્રુક્પા શેચી છે. આ બે દિવસ રાજ્યમાં બેંકોનું કામકાજ બંધ રહેશે, તો તમારા કામ ઝડપથી પતાવી લો તે જરૂરી છે.
14 જુલાઈએ અગરતલ્લામાં કેર પૂજાના દિવસે પણ બેંકો બંધ રહેશે. આ રજાઓ દરમિયાન તમે ડિજિટલ બેંકિંગનો ઉપયોગ કરી શકો છો. આ સમયે જરૂરી છે કે તમે તેનો વધુને વધુ ફાયદો ઉઠાવો અને તમારા કામ સરળતાથી પતાવી લો.