બીબીસીએ થોડા સમય પૂર્વે ગુજરાતના 2002ના રમખાણો પર એક ડોક્યુમેન્ટ્રી તૈયાર કરી તેનો પ્રથમ ભાગ પ્રદર્શિત કર્યો હતો. ભારત સિવાયના દેશોમાં આ ડોક્યુમેન્ટ્રી પ્રસારિત થતાં વિવાદ થયો છે
શાંતિ ડહોળવાનો ડાબેરી વિંગની વિદ્યાર્થી પાંખ પર આરોપ
યુનિવર્સિટીના કુલપતિનું કડક વલણ
વિદ્યાર્થીઓ સામે થશે કાર્યવાહી
ગુજરાત રમખાણો પર બીબીસીની ડોક્યુમેન્ટ્રી યુનિવર્સિટીમાં દર્શાવાવાની જાહેરાત કરનારા વિદ્યાર્થીઓ પર તવાઈ આવશે. જામિયા મિલિયા ઈસ્લામિયા યુનિવર્સિટીના કુલપતિ નજમા અખ્તરે આ વિદ્યાર્થીઓ પર કેમ્પસમાં શાંતિ ડહોળવાનો આરોપ લગાવ્યો છે. કુલપતિ નજમાએ કહ્યું કે એસએફઆઈ શાંતિ ભંગ કરવા ઈચ્છે જેને અમે બિલકૂલ ચલાવી નહીં લઈએ. અમે યુનિવર્સિટી કેમ્પસમાં શાંતિ અને સૌહાર્દતાનો માહોલ બનાવી રાખવા માંગીએ છીએ.
આ પ્રકારની સ્થિતિ ચલાવી નહીં લઉં:નજમા અખ્તર
નજમા અખ્તરે કહ્યું કે જેમને કોઈ અનૂસરતું નથી તેવા સ્ટુડન્ટ ફેડરેશન ઑફ ઈન્ડિયા દેખાવો કરી રહ્યું છે. અમે આ પ્રકારના વલણને ચલાવી નહીં લઈએ. તેમનો ઈરાદો કેમ્પસ પર શાંતિ ડહોળવાનો છે. હું કઈ પણ કિંમતે આ પ્રકારની સ્થિતિ ચલાવી નહીં લઉં.
દિલ્લી પોલીસે ચાર વિદ્યાર્થીઓને અટકાત કરી
જામિયા મિલિયાની એસએફઆની વિંગે કેમ્પસમાં બીબીસીની ડોક્યુમેન્ટ્રી દર્શવવાની જાહેરાત કરતા પોસ્ટર રીલીઝ કર્યા હતા. આ જાહેરાત બાદ દિલ્લી પોલીસે ચાર વિદ્યાર્થીઓને અટકાત કરી હતી. વિદ્યાર્થીઓની અટકાયતનો વિરોધ કરી રહેલા 70 વિદ્યાર્થીઓને પોલીસે ડિટેઈન કર્યા હતા.
ડોક્યુમેન્ટ્રી પ્રસારિત થતાં મોટો વિવાદ થયો છે
બીબીસીએ થોડા સમય પૂર્વે ગુજરાતના 2002ના રમખાણો પર એક ડોક્યુમેન્ટ્રી તૈયાર કરી તેનો પ્રથમ ભાગ પ્રદર્શિત કર્યો હતો. ભારત સિવાયના દેશોમાં આ ડોક્યુમેન્ટ્રી પ્રસારિત થતાં મોટો વિવાદ થયો છે. ભારત અને બ્રિટનમાં અનેક ભારતીયોએ આ ડોક્યુમેન્ટ્રી પર સવાલ ઉઠાવી વિરોધ પણ કર્યો છે.