રાજ્યમાં લોકસભાની ચૂંટણીને લઈને સમગ્ર તૈયારીઓ આટોપી લેવાઈ છે. ત્યારે પાડોશી સંઘ પ્રદેશમાં પણ એક બેઠક પર યોજાનારી લોકસભાની ચૂંટણીને લઈને વહીવટી તંત્રએ સંપૂર્ણ તૈયારીઓ પૂર્ણ કરી લીધી છે.
રાજ્યમાં લોકસભાની ચૂંટણીને લઈને સમગ્ર તૈયારીઓ આટોપી લેવાઈ છે. ત્યારે પાડોશી સંઘ પ્રદેશમાં પણ એક બેઠક પર યોજાનારી લોકસભાની ચૂંટણીને લઈને વહીવટી તંત્રએ સંપૂર્ણ તૈયારીઓ પૂર્ણ કરી લીધી છે.
લોકસભા સામાન્ય ચૂંટણી શાંતિપૂર્ણ, સરળતાથી અને સંપૂર્ણ મતદાન થાય તે માટે દાદરાનગર હવેલી વહીવટી તંત્ર સજ્જ છે. મતદાન મથકોમાં પ્રતિક્ષા ખંડ, પીવાનું પાણી, મેડિકલ ટીમની સુવિધા ઉપલબ્ધ કરાવવામાં આવી છે.
ઉપરાંત દિવ્યાંગોને ઘરથી મતદાન મથકે લઈ જવા માટે પણ ખાસ વાહનની વ્યવસ્થા કરવામાં આવી છે. આ સિવાય બ્રેઈલ બેલેટની પણ વ્યવસ્થા કરવામાં આવી છે.
તો પહેલીવાર 300 જેટલા વોલન્ટિયર અને BLO સહાયકરૂપે મતદાતાઓને માર્ગદર્શન આપવા તૈનાત છે. આ વખતે 21 જેટલા મોડલ પોલિંગ બૂથ બનાવવામાં આવ્યા છે. લોકો સુરક્ષિત રીતે મતદાન કરી શકે તે માટે સુરક્ષાનો પણ પૂરતો બંદોબસ્ત કરવામાં આવ્યો છે.