Wednesday, July 17, 2019
સબસ્ક્રાઈબ કરો VTVGujarati ન્યુઝ Whatsapp

બજેટ 2019 / સામાન્ય બજેટથી જોડાયેલી 5 રોચક વાતો જે કદાચ તમે નહીં જાણતા હોવ

સામાન્ય બજેટથી જોડાયેલી 5 રોચક વાતો જે કદાચ તમે નહીં જાણતા હોવ

મોદી સરકાર બીજી વાર સત્તામાં આવ્યા બાદ લોકોને આશાઓ પણ ઘણી છે. આ વર્ષની શરૂઆતમાં પીયૂ। ગોયલે અંતરિમ બજેટ રજૂ કર્યુ હતું. બજેટ દરમ્યાન ગોયલે આ વાત તરફ ઇશારો કર્યો હતો કે જ્યારે સંપૂર્ણ બજેટ રજૂ થશે તેમાં કરદાતાને કંઇક વધુ ટેક્સ બેનિફિટ મળી શકે છે. એવામાં અમે આ સમાચારમાં બજેટ સાથે જોડાયેલી કેટલીક પાંચ આશ્ચર્યજનક વાતો જણાવી રહીએ છીએ.

Nirmala Sitharaman budget 2019

ન્યૂ દિલ્હીઃ મોદી સરકારનાં બીજા કાર્યકાળનું પ્રથમ બજેટ 5 જુલાઇનાં રોજ નાણાંમંત્રી નિર્મલા સીતારમણ રજૂ કરશે. 4 જુલાઇનાં રોજ આર્થિક સર્વેક્ષણ રજૂ થશે. આવું પ્રથમ વાર હશે કે જ્યારે સીતારમણ (Nirmala Sitharaman) આવીને બજેટ રજૂ કરશે. મોદી સરકાર બીજી વાર સત્તામાં આવ્યા બાદ લોકોને આશાઓ પણ ઘણી છે.

આ વર્ષની શરૂઆતમાં પીયૂષ ગોયલે અંતરિમ બજેટ રજૂ કર્યુ હતું. બજેટ દરમ્યાન ગોયલે આ વાત તરફ ઇશારો કર્યો હતો કે જ્યારે સંપૂર્ણ બજેટ રજૂ થશે તેમાં કરદાતાને કંઇક વધુ ટેક્સ બેનિફિટ મળી શકે છે. એવામાં અમે આ સમાચારમાં બજેટ સાથે જોડાયેલી કેટલીક પાંચ આશ્ચર્યજનક વાતો જણાવી રહીએ છીએ.

પ્રથમ બજેટઃ
સ્વતંત્ર ભારતનું પ્રથમ કેન્દ્રીય બજેટ (Union Budget 2019) 26 નવેમ્બર 1947નાં રોજ પૂર્વ નાણાંમંત્રી આરકે શનમુખમ ચેટ્ટી દ્વારા રજૂ કરવામાં આવ્યો હતો. ત્રણ વર્ષ બાદ જૉન મથાઇએ 29 ફેબ્રુઆરી 1950નાં રોજ ભારતીય ગણરાજ્યનું પ્રથમ બજેટ રજૂ કર્યુ.

કોણે રજૂ કર્યુ સૌથી વધુ વાર બજેટઃ
પૂર્વ નાણાંમંત્રી મોરારજી દેસાઇએ 10 વાર બજેટ રજૂ કર્યુ છે, ત્યાર બાદ પી ચિદમ્બરમ જેઓએ 9 બજેટ રજૂ કર્યા છે. પછી નંબર આવે છે પ્રણવ મુખર્જીનો કે જેઓએ 8 વાર બજેટ રજૂ કર્યુ છે.

કઇ મહિલા નાણાંમંત્રીએ રજૂ કર્યુ હતું પ્રથમ બજેટઃ
અત્યાર સુધી માત્ર એક મહિલા નાણાંમંત્રી ઇન્દિરા ગાંધીએ બજેટ રજૂ કર્યુ છે. તેઓએ મોરારજી દેસાઇનાં રાજીનામાં બાદ નાણાં મંત્રાલય સંભાળ્યુ હતું. નિર્મલા સીતારમણ ઇન્દિરા ગાંધી બાદ કેન્દ્રીય બજેટ રજૂ કરવાવાળી બીજી મહિલા નાણાંમંત્રી બની જશે.

બ્લેક બજેટઃ
1973-74માં મોટા ઘાટાને કારણ બજેટને 'બ્લેક બજેટ' નામ આપવામાં આવ્યુ હતું. આને તત્કાલીન નાણાંમંત્રી યશવંતરાવ બી ચવ્હાણે રજૂ કર્યુ હતું. તે સમયે કુલ નુકસાન 550 કરોડ રૂપિયાનું હતું.

ધ ડ્રીમ બજેટઃ
1997માં વ્યક્તિગત આવક અને કોર્પોરેટ કરને ઓછું કરવા માટે અનેક ફેરફાર કરવામાં આવ્યાં અને બજેટમાં 'ડ્રીમ બજેટ'નું નામ આપવામાં આવ્યું. લોકોએ બજેટનું સ્વાગત કર્યુ.

 

જોવા જેવું વધુ જુઓ

બ્રેકિંગ ન્યૂઝ