અમરેલીના સાવરકુંડલામાં એક-બે નહીં પરંતુ એક સાથે 4 સિંહ જોવા મળ્યા હતા. સાવરકુંડલાના અભરાપરા ગામની સીમમાં સિંહ આરામ ફરમાવતા નજરે પડયા. અભરાપરા ગામની સીમમાં 4થી વધુ સિંહ ચઢી આવ્યા હોવાની માહિતી મળતા સ્થાનિક લોકોમાં ભયનો માહોલ જોવા મળ્યો હતો. મોડી રાતે સિંહોએ ગામમાં ઘુસીને પશુનું મારણ કર્યું હતું અને બાદમાં અભરામપરા ગામની સીમમાં જ શિકારની મિજબાની માણી અને આરામ ફરમાવ્યો હતો..
ઉલ્લેખનીય છે કે સિંહો વારંવાર આ રીતે સીમમાં આવતા હોય છે ખાસ કરીને આ સમયગાળો ઉનાળાનો હોય છે પરંતુ વરસાદની મોસમમાં આ રીતે સિંહો અચાનક ગામમાં આવી પહોંચતા સ્થાનિક લોકોમાં ભયનો માહોલ જોવા મળ્યો હતો. ગીર અભ્યારણ્ય અમરેલી પંથક સુધી વિસ્તરેલુ હોવાથી સિંહની લટાર વારંવાર જોવા મળે છે.
ત્યારે ગત મોડી રાતે પણ સાવરકુંડલાના અભરાપરા ગામની સીમમાં 4 સિંહ લટાર મારવા આવી પહોંચતા સ્થાનિક લોકોમાં ભયનો માહોલ જોવા મળ્યો હતો. આ સાથે જ ગામડામાં ઘરની બહાર બાંધેલ પશુઓનું મારણ સિંહે કર્યું હોવાની પણ જાણકારી પ્રાપ્ત થઇ હતી.