દેશભરમાં છેલ્લા ઘણા સમયથી વાતાવરણમાં પલટો આવતા કેટલાક રાજ્યમાં ભર ઉનાળામાં જળબંબાકાર જેવી સ્થિતિનું નિર્માણ થયું છે. ઉત્તર, દક્ષિણ, મધ્ય ગુજરત સહિત સૌરાષ્ટ્રમાં ખેડૂતોની હાલત કફોડી બની છે.
રાજ્યમાં ભર ઉનાળામાં જળબંબાકાર જેવી સ્થિતિનું નિર્માણ થયું છે
લણણી કરેલા પાકને પુષ્કળ પ્રમાણમાં નુકસાન
ઉત્તર, દક્ષિણ, મધ્ય ગુજરાત સહિત સૌરાષ્ટ્રમાં ખેડૂતોની હાલત કફોડી
દેશભરમાં છેલ્લા ઘણા સમયથી વાતાવરણમાં પલટો આવતા કેટલાક રાજ્યમાં ભર ઉનાળામાં જળબંબાકાર જેવી સ્થિતિનું નિર્માણ થયું છે. ગુજરાતમાં કેટલાક જિલ્લામાં ભારે પવન અને ગાજવીજ સાથે કમોસમી વરસા પડતા ખેડૂતોનો તૈયાર થયેલો અને લણણી કરેલા પાકને પુષ્કળ પ્રમાણમાં નુકસાન થતા ખેડૂતોને રોવાનો વારો આવ્યો છે. ઉત્તર, દક્ષિણ, મધ્ય ગુજરાત સહિત સૌરાષ્ટ્રમાં ખેડૂતોની હાલત કફોડી બની છે. ત્યારે કયા સૌથી વધુ ખેડૂતોને નુકસાન થયું છે.
ખેડૂતો કુદરત સામે લાચાર બન્યા
જૂનાગઢ જિલ્લાના વંથલી તાલુકાના.અહીં કુદરતે ચારોકોર કહેર વરસાવ્યો છે. અહીં ખેડૂતો કુદરત સામે લાચાર બન્યા છે. અહીં માવઠું ખેડૂતો માટે મુસિબત બન્યું છે. ઘઉંના પાકનો તો સોથ વળી ગયો છે. અહીં વીજળીના કડાકા ભડાકા સાથે વરસાદ અને કરા પડતા ઘઉં, ધાણા, કપાસ જેવા ઊભા પાકોને મોટા પ્રમાણમાં નુકસાન થયું છે. ખેડૂતો આર્થિક અને શારીરિક બન્ને રીતે ભાંગી પડ્યા છે. ઘઉંનો ઊભો પાક બળી જતાં જાણે કુદરતે મોઢે આપેલો કોળિયો છીનવી લીધો હોય તેવો ઘાટ ઘડાયો છે. ત્યારે તંત્ર પાકમાં થયેલા નુકસાનનો સર્વે કરે અને સહાય વળતર ચૂકવે તેવી માંગ ઊઠી છે.
પપૈયાની મોંઘીદાટ ખેતી કર્યા બાદ પણ નુકસાન વેઠવાનો વારો
તો આ તરફ ભાવનગર જિલ્લામાં પણ ભારે પવન અને કમોસમી વરસાદના કારણે ઘઉં, જીરુ, ડુંગળી, એરંડા, લીંબુ, કેરી, સહિતના પાકને મોટાપ્રમાણમાં નુકસાન થયું છે. અહીં પણ કુદરતી આફત સામે જગતનો તાત ફરી એક વખત લાચાર બની ગયો છે. ડુંગળીના ભાવમાં ઉતાર ચડાવના કારણે ખેડૂતો પપૈયાની ખેતી તરફ વળ્યા હતા. પરંતું હવે પપૈયાની મોંઘીદાટ ખેતી કર્યા બાદ પણ નુકસાન વેઠવાનો વારો આવ્યો છે.
કમોસમી વરસાદને કારણે પાકને મોટું નુકસાન થયું
તો બીજી તરફ દક્ષિણ અને મધ્ય ગુજરાતમાં પણ માવઠાથી ખેડૂતોની હાલત કફોડી બની છે. પંચમહાલ અને દાહોદમાં ઘઉં, રાયડો, મકાઈ, બાજરીનો પાક પવનને કારણે આડો પડી ગયો છે. અહીં પણ ઘઉં, ચણા, મકાઈ જેવા પાકને નુકસાન પહોંચ્યું છે. તાપીની વાત કરીએ તો સતત કમોસમી વરસાદના કારણે શાકભાજી સહિત અનાજ કઠોળ અને કેરીનો પાકને નુકસાન થયું છે. સુરતમાં પણ કમોસમી વરસાદને કારણે પાકને મોટું નુકસાન થયું છે.. ત્યારે ખેડૂતો સરકાર પાસે સહાયની આસ લઇને બેઠા છે.
દિવસોમાં ફરી એકવાર મોંઘવારી આસમાને પહોંચી શકે તો નવાઇ નહીં
મહત્વનું છે રાજ્યભરમાં છેલ્લા ઘણા સમયથી વાતાવરણમાં પલટો આવવાના કારણે ખેડૂતોના પાકને મોટા પ્રમાણમાં નુકસાન પહોંચ્યું છે.. આ વખતે ખેડૂતોને શિયાળામાં અને ઉનાળાની શરૂઆતમાં બે વખત માવઠાના કારણે ખેતીના પાકમાં મોટા પ્રમાણમાં નુકસાન વેઠવાનો વારો આવ્યો છે ત્યારે આગામી દિવસોમાં ફરી એકવાર મોંઘવારી આસમાને પહોંચી શકે તો નવાઇ નહીં...
ડીસામાં છેલ્લા બે મહિનામાં સતત ચોથી વાર કમોસમી વરસાદ થતા ખેતી પાકને વ્યાપક નુકસાન થયું છે. રાજગરો, ઘઉં, સક્કરટેટી અને તરબૂચના પાકમાં વ્યાપક નુકસાન થતાં ખેડૂતો ને પડતા પર પાટુ જેવો ઘાટ સર્જાયો છે. ત્યારે નુકસાન ગ્રસ્ત ખેડૂતો સરકાર પાસે સહાયની માંગ કરી રહ્યા છે
ડીસા પંથકમાં તરબૂચનાં પાકમાં મોટા પાયે નુકશાનની સંભાવના
હવામાન વિભાગની આગાહી મુજબ વેસ્ટર્ન ડિસ્ટર્બન્સ ના કારણે ફરી એકવાર બનાસકાંઠા જિલ્લામાં કમોસમી વરસાદ થયો છે અને જિલ્લામાં સરેરાશ એક ઇંચ જેટલો વરસાદ ખાબક્યો હતો, તો ક્યાંક બરફના કરા સાથે પણ વરસાદ થતાં ફરી એકવાર ખેડૂતોને મોટુ નુકસાન વેઠવું પડ્યું છે. ખાસ કરીને ડીસા પંથકમાં શક્કરટેટી અને તરબૂચનું મોટાપાયે વાવેતર થયું છે જેમાં બરફના કરા અને ધોધમાર વરસાદના કારણે નુકશાન થવાની સંભાવના વધી ગઈ છે.
ઘઉં, રાજગરો, અને એરંડાનો પાક પણ જમીન દોસ્ત થઈ ગયો
આ સિવાય ઘઉં, રાજગરો, અને એરંડાનો પણ તૈયાર થયેલો પાક જમીનદોસ્ત થઈ ગયો છે ભારે પવન અને વાવાઝોડા સાથે કમોસમી વરસાદથી ખેડૂતો ના ખેતરોમાં તૈયાર થયેલો પાક ધોવાઈ જતા લાખો રૂપિયાનું નુકસાન વેઠવાનો વારો આવ્યો છે. એક તરફ મોંઘું બિયારણ, ખાતર ,ડીઝલ અમે વીજળી નો ઉપયોગ કરી સતત બે મહિના સુધી દિવસ સાત મજૂરી કરી ખેડૂતોએ પાક તૈયાર કર્યો હતો અને અને કુદરતે કહેર વર્તાવતા ખેડૂતો પાયમાલ થવાની કગાર પર આવી ગયા છે ત્યારે ખેડૂતોની માંગ છે કે સરકાર તાત્કાલિક ખેડૂતોને સહાય ચૂકવે નહીંતર ખેડૂતોની હાલત ખુબજ કફોડી બનશે.
બનાસકાંઠા માં કમોસમી વરસાદ થી ખેડૂતો નાં પાકો ને નુકશાન વેઠવાનો વારો આવ્યો છે. ખેડૂતોના તૈયાર પાકો નષ્ટ પામ્યા છે બનાસકાંઠામાં ઘણા વિસ્તારોમાં કરા સાથે વરસાદ તેમજ ભારે પવન ફૂંકાતા ખેડૂતોના ઘઉંના પાકને ભારે નુકસાન પહોંચી છે ઘઉંનો પાક નષ્ટ પામે છે અને તેના કારણે ખેડૂતો આંસુ વહાવી રહ્યા હોય તેવા દ્રશ્યો જોવા મળી રહ્યા છે.
ગઢ પંથકમાં કરા સાથે વરસાદ પડ્યો
હવામાન વિભાગની આગાહી મુજબ સમગ્ર ગુજરાતમાં વરસાદ વરસી રહ્યો છે. થોડા દિવસ પહેલા પણ માવઠા નાં કારણે ખેડૂતો ને નુકશાન થયું હતી.જોકે હવે ફરીવાર કમોસમી વરસાદે ખેડૂતો ને રાતા પાણીએ રોવરાવ્યા છે. ત્યારે બનાસકાંઠામાં પણ કમોસમી વરસાદની આગાહી જે આપવામાં આવી હતી અને તેના કારણે કમોસમી વરસાદ રાત્રે ઘણા વિસ્તારોમાં થયો છે ત્યારે પાલનપુર તાલુકાના ગઢ પંથકમાં કરા સાથે વરસાદ તેમજ પવન ફૂંકાતા પાકોને નુકસાન થયું છે.
ઘઉંનાં પાક પર પાણી પડતા પાકો નષ્ટ પામ્યા
ખેડૂતો હાલ ઘઉ નાં પાક ની લાણની કરી છે ખેતર માં ઘઉં લણણી કરેલા પડ્યા છે.ત્યારે કરા સાથે વરસાદ પડતાં ખેતરો માં પાણી ભરાયાં હતાં.જેના કારણે ઘઉ નાં પાક ઉપર પાણી પડતા ઘઉં દિવેલા જીરુ રાજગરો સહિતના પાકો નષ્ટ પામ્યા છે. ખેડૂતોનાં મોઢે આવેલો કોળિયો છીનવાઈ ગયો છે. ખેડૂતો ની 4 મહિનાની મહેનત પાણી માં ગઈ છે. રાત્રિ નાં ઉજાગરા મોંઘા બિયારણો દવાઓ ખેડાઈ નાં ખર્ચ કરી વાવેતર કરનાર ખેડૂત હાલ લાચાર બન્યો છે. પોતાનો મહામૂલો પાક નષ્ટ થઈ જતા ખેડૂતો આશું વહાવી રહ્યા છે. ખેડૂતો ની માંગ છે કે સરકાર સહાય આપે નહીતો ખેડૂતો ને મારવાનો વારો આવે તેવું ખેડૂતો કહી રહ્યા છે.