કોડીનારના દિલીપ કાળું ટાંક નામના શખ્સે શિક્ષિકા પર ચેક રીટર્ન અને સાયબર ક્રાઈમ નોંધાવેલી ફરીયાદ પરત લેવા હુમલો કર્યો હતો
ઉનામાં શિક્ષીકા પર હુમલો
FIR નોંધાવવા મામલે હુમલો
હુમલો CCTV ફુટેજ આવ્યા સામે
ગુજરાતમાં મહિલા સલામતીની વાતોની છડા ચોક થાય છે પણ શું ખરેખર મહિલાઓ સુરક્ષિત છે? તેની સામે આંગળી ચિંધતી ઘટના આજે ગીર સોમનાથમાંથી સામે આવી છે. આરોપી શખ્સે ઘરમાં ઘૂસીને શિક્ષિકાનો એકલતાનો લાભ લઈ ડરાવી ધમકાવી હતી. તેના પર હુમલો કર્યો હતો. જાણે કોઈનો ડર ન હોય તેમ આરોપી શિક્ષિકા સાથે વર્તન કરી રહ્યો હતો.
ફરિયાદ પરત લેવા હુમલો
ગીર સોમનાથના ઉનાના ગાયત્રી પાર્ક સોસાયટીમાં શિક્ષિકા પર હુમલો થવાની ઘટનાએ સમગ્ર સોસાયટીમાં હાહાકાર મચાવ્યો છે.ઘરમાં શિક્ષિકાની એકલતાનો લાભ લઈ યુવક અંદર ઘૂસી ગયો હતો. કોડીનારના દિલીપ કાળું ટાંક નામનો આ આરોપી ઈસમના હુમલા કરતાં CCTV ફુટેજ પણ સામે આવ્યા છે. મહત્વનું છે કે શિક્ષિકાએ હુમલાખોર સામે અગાઉ ફરિયાદ નોંધાવી હતી. ચેક રીટર્ન અને સાયબર ક્રાઈમ પોલીસ આ કેસની તપાસ કરી રહી છે તેવા આરોપીએ ફરિયાદ પરત ખેંચી લેવાના દબાણ સાથે શિક્ષિકા પર હુમલો કર્યો હતો.પોલીસે આરોપી સામે ગુનો નોંધી કાર્યવાહી હાથધરી છે.
VTV ગુજરાતીના સળગતા સવાલ
આરોપીઓને રાજ્યમાં કેમ મળી ગયો છે છુટો દૌર ?
ઘરમાં ઘુસીને હુમલો કરવાની હિંમત મળવા પાછળનુ કારણ શુ ?
શુ પોલીસ દ્વારા આ આરોપીને છાવરવામાં આવી રહ્યો છે ?
શિક્ષિકાએ અગાઉ ફરિયાદ કરી ત્યારે આરોપી વિરૂદ્ધ કાર્યવાહી કેમ ન કરાઈ ?
ફરિયાદી પર આ પ્રકારે હુમલા થવાથી FIR નોંધાવતા લોકોમાં ડર નહી વ્યાપે ?
ફરિયાદીઓની સુરક્ષાની જવાબદારી માટે પોલીસ પગલા ભરશે ?
હુમલો કરતા શખ્સના CCTV ફુટેજ આવ્યા સામે
હુમલાના સીસીટીવીમાં સ્પષ્ટ રીતે જોઇ શકાય છે કે દિલીપ કાળું ટાંક સિલોજ ગામે શિક્ષિકા તરીકે ફરજ બજાવી રહેલી અને હળ તેના ઘર ગાયત્રી પાર્ક સોસાયટીમાં રહેતી મહિલાને હાથમાં કાચ રાખી ડરાવી રહ્યો છે અભદ્ર ભાષાનો પ્રયોગ કરી રહ્યો છે અને ફરીયાદ પાછી ખેંચવાનું રટણ કરી કાચ માથા પર મારી દેશે તેમ વર્તી રહ્યો છે. આટલેથી ન અટકતા હુમલાખોર નરાધમ મહિલાને ધક્કોમારી સોફા પર બેસાડી દે છે જ્યાં ડિસમિસ કાઢી તેણે ડરાવવાનો પ્રયાસ કરે છે. અને મહિલાના બે પગ પર ઊભો થઈ કાન પાસે જોર જોર બૂમરાળ કરે છે. ચેક રીટર્ન અને સાયબર ક્રાઈમમાં ફરીયાદ પાસે લેવા આ ધમકી આપતો હોવાનું બહાર આવ્યું છે.