IPLIN
 

યુદ્ધ / રશિયા સામે યુક્રેનનો ઘાતક વાર, હેડક્વાર્ટર પર કર્યો ખતરનાક હુમલો, 200 પેરાટ્રુપ્સને ઉતાર્યા મોતને ઘાટ

Team VTV 01:37 PM, 27 Aug 22
Follow us
ukraine strike on russian headquarters 200 paratroopers army killed

યુક્રેને રશિયન હેડક્વાર્ટર પર કરેલા હુમલામાં રશિયાના 200 પેરાટ્રુપ્સને મોતને ઘાટ ઉતારી દીધા છે. યુક્રેનના રિજનલ ગવર્નરે આ અંગે માહિતી આપી છે.

  • યુક્રેને રશિયન હેડક્વાર્ટર પર હુમલો કર્યો
  • આ હુમલામાં રશિયાના 200 પેરાટ્રુપ્સના મોત
  • યુક્રેનના રિજનલ ગવર્નરે આ અંગે માહિતી આપી છે

યુક્રેને રશિયન હેડક્વાર્ટર પર કરેલા હુમલામાં રશિયાના 200 પેરાટ્રુપ્સને મોતને ઘાટ ઉતારી દીધા છે. યુક્રેનના રિજનલ ગવર્નરે આ અંગે માહિતી આપી છે. તેમણે જણાવ્યું હતું કે યુક્રેનના કબજા હેઠળના પૂર્વમાં રશિયન બેસને તોડી પાડવા માટે સૈનિકો દ્વારા આ હુમલો કરવામાં આવ્યો હતો. જેમાં અંદાજીત 200 રશિયન હવાઈ સૈનિકો માર્યા ગયા છે.

ગવર્નર સેર્હી હૈડાઇએ આપી જાણકારી
યુક્રેનના લુહાન્સ્ક પ્રશાસનિક જિલ્લાના ગવર્નર સેર્હી હૈડાઇએ શુક્રવારે ટેલિગ્રામ પોસ્ટ દ્વારા આ જાણકારી આપી હતી. તેમણે કહ્યું કે યુક્રેનિયન સૈનિકોએ કાદિવકાના કબજાહેઠળની શહેરની એક હોટલમાં સ્થાપિત રશિયન બેઝ પર સફળતાપૂર્વક હુમલો કર્યો હતો. યુક્રેનના પૂર્વીય વિસ્તારોમાં રશિયાની યુદ્ધની ગતિ હવે અટકી ગઈ છે કારણ કે સંઘર્ષને પણ છ મહિના થઈ ગયા છે.

રશિયન 2014થી આ બેસનો ઉપયોગ કરતા હતા
હૈદાઇએ પોસ્ટમાં ઇમારતની તસવીરો પણ શેર કરી હતી, તેમણે ઉમેર્યું હતું કે, હૈડાઇના ગવર્નરપદે તેમને આ ક્ષેત્ર માટે લશ્કરી નેતા બનાવી દીધા છે. તેમના દ્વારા જાહેર કરવામાં આવેલી પોસ્ટમાં યુદ્ધથી પ્રભાવિત ઈમારતની તસવીરો પણ સામેલ છે, જેમાં તેમણે કહ્યું કે, રશિયન સેના 2014થી તેનો બેસ તરીકે ઉપયોગ કરી રહી હતી.

 

કાદિવકામાં એક બેઝને નષ્ટ કરી દીધો હતો
યુક્રેનની રાજધાની કિવ પર કબજો કરવામાં નિષ્ફળ ગયા બાદ રશિયન સૈન્યએ તેના યુદ્ધ પ્રયત્નોને દેશના પૂર્વી ડોનબાસ ક્ષેત્ર તરફ વાળ્યા હતા. હૈડાઇએ જૂનમાં કહ્યું હતું કે યુક્રેનની સેનાએ રશિયન મરક્યુરી વેગનર ગ્રુપ દ્વારા ઉપયોગમાં લેવાતા કાદિવકામાં એક બેઝને નષ્ટ કરી દીધો હતો. જો કે રશિયાએ ઉનાળામાં આ ક્ષેત્રના મોટા શહેરો પર કબજો જમાવ્યો હતો. ક્રેમલિને તાજેતરમાં કહ્યું હતું કે તેણે નાગરિકો પરના ટોલને ઘટાડવા માટે તેના આક્રમણને ધીમું કરી દીધું છે. યુક્રેનના અધિકારીઓ અને તેના પશ્ચિમી સાથીઓ દ્વારા આ ખુલાસાની શંકા વ્યક્ત કરવામાં આવી હતી. આનું કારણ રશિયન સેના દ્વારા ભારે નુકસાન પહોચાડવાનું હતું.

 

યુકેના સંરક્ષણ મંત્રાલયે પરિસ્થિતિની માહિતી આપી હતી
યુકેના સંરક્ષણ મંત્રાલયે મંગળવારે એક ટ્વિટમાં યુક્રેનની પરિસ્થિતિ અંગે અપડેટ આપતા કહ્યું હતું કે, "ડોનબાસ આક્રમણમાં મિનિમલ પ્રગતિ થઈ રહી છે અને રશિયા મોટા યુક્રેનિયન કાઉન્ટર-એટેકની અપેક્ષા રાખી રહ્યું છે." "ઓપરેશનલ રીતે, રશિયા દારૂગોળો, વાહનો અને કર્મચારીઓની અછત સાથે સંઘર્ષ કરી રહ્યું છે."

RUSSIA UKRAINE WAR paratroopers Army headquarters strike
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ