રશિયન સેના યુક્રેનથી માત્ર 20 કિલોમીટર દૂર, સેટેલાઇટ ઇમેજમાં જોવા મળી લશ્કરી જમાવટ.દક્ષિણ બેલારુસમાં 100થી વધારે વાહનો સહિત તંબુ પણ જોવા મળ્યા
રશિયન સૈન્ય યુક્રેનથી માત્ર 20 કિમી દૂર
100 યુદ્ધ ટેન્ક પર કરવામાં આવી તૈનાત
સેટેલાઇટ ઇમેજમાં રશિયન સેનાની જોવા મળી તૈયારીઓ
યુક્રેનના પૂર્વ ભાગમાં દોનેસ્ક અને લુહાંસ્કને રશિયન માન્યતા મળ્યા બાદ અહીંના વિદ્રોહીઓને રશિયાના ખુલ્લા સમર્થનથી ક્ષેત્રીય તણાવ વધી રહ્યો છે. સેટેલાઇટ તસવીર પર જાણવા મળ્યું કે રશિયન સૈન્ય યુક્રેનથી માત્ર 20 કિલોમીટર જ દૂર છે. રશિયન સેનાએ આ વિસ્તારમાં અસ્થાયી હોસ્પિટલ પણ બનાવી દીધી છે. આ વચ્ચે વિદ્રોહીઓની યુક્રેન સાથે થયેલી અથડામણમાં યુક્રેની સૈનિક માર્યા ગયાજ્યારે અમેરિકાએ પ્રદેશમાં વધારાના સૈન્ય તૈનાતીની જાહેરાત કરી હતી.
સેટેલાઇટ ઇમેજમાં દેખાયો તણાવ
સેટેલાઇટ ઇમેજ દર્શાવે છે કે યુક્રેનની સરહદે પહેલાથી જ તૈનાત કરાયેલા વાહનો ઉપરાંત 100 નવા વાહનો જોવા મળ્યા છે. મેક્સાર દ્વારા એકત્રિત કરાયેલ તાજેતરની છબીઓ છેલ્લા 24 કલાકમાં દક્ષિણ બેલારુસ અને પશ્ચિમ રશિયામાં યુક્રેનિયન સરહદ નજીકના કેટલાક વિસ્તારોમાં લશ્કરી જમાવટ અને વધારાનો લોજિસ્ટિક્સ પુરવઠો જોવા મળ્યો. દક્ષિણ બેલારુસમાં મોઝિયર નજીકના નાના એરફિલ્ડમાં 100 થી વધુ વાહનો અને ડઝનેક લશ્કરી તંબુ પણ જોવા મળ્યા.
24 કલાકમાં અલગ-અલગ જગ્યાએ ફાયરિંગ
યુક્રેની સૈનાએ કહ્યું, "છેલ્લા 24 કલાકમાં રશિયા સમર્થક અલગાવવાદીઓએ તોપખાના, મોર્ટાર બોમ્બ અને ગ્રેડ રોકેટ સિસ્ટમનો ઉપયોગ કરીને બે અલગ-અલગ સ્થળોએ તોપમારો તેજ કરી દીધો છે. જેમાં યુક્રેની સેનાના 6 લોકો માર્યા ગયા. યુક્રેનના રાષ્ટ્રપતિ વોલોદિમીર ઝેલેન્સકીના આદેશને પગલે પ્રદેશના જૂના જળાશયોમાં પાણીનો સંગ્રહ કરવાનું શરુ કરી દેવામાં આવ્યું છે.
યુક્રેનની નાગરિકોને ચેતવણી, રશિયા તરત જ છોડી દો
યુક્રેનના વિદેશ મંત્રાલયે દેશના નાગરિકોને રશિયાની યાત્રા ન કરવા ચેતવણી આપી છે. મંત્રાલયે અપીલ કરી છે કે રશિયામાં હાજર યુક્રેનના નાગરિકો તરત જ દેશ છોડી દે. "વિદેશ મંત્રાલય યુક્રેનના નાગરિકોને રશિયન ફેડરેશનની કોઈપણ મુસાફરીથી દૂર રહેવાની સલાહ આપે છે," ટ્રાવેલ એડવાઈઝરીમાં જણાવ્યું હતું. જેઓ રશિયામાં છે તેઓએ તરત જ દેશ છોડવો જોઈએ.
અમેરિકાએ F-35 ફાઈટર એરક્રાફ્ટ તૈનાત કર્યા
એક સમાચાર એજન્સી તરફથી મળતી માહિતી મુજબ અમેરિકી રાષ્ટ્રપતિ જૉ બાઇડને એસ્ટોનિયા, લાતવિયા અને લિથુઆનિયાને મજબૂત કરવા માટે 800 પૈદલ સૈનિકો અને આઠ F-35 લડાકુ વિમાનોને નાટોની પૂર્વ તરફ મોકલ્યા છે.
રશિયાએ કહ્યું- અમેરિકાને એવો જવાબ આપીશું જે પીડાદાયક હશે
અમેરિકાના પ્રતિબંધો પર રશિયાએ કડક પ્રતિક્રિયા આપવાની કસમ ખાધી છે. રશિયા વિદેશ મંત્રાલયે કહ્યું કે આમા કોઇ શંકા હોવી ન જોઇએ. આ પ્રતિબંધોના પરિણામ સ્વરુપે એક મજબૂત પ્રતિક્રિયા આપવામાં આવશે. જરુરી નથી કે તે અમેરિકી પ્રતિબંધોની કોપી જ હોય. પરંતુ સંપૂર્ણ રીતે માપવામાં આવશે. તે અમેરિકા માટે ખૂબ જ પીડાદાયક હશે. મોસ્કોએ પણ ભારપૂર્વક એમ પણ જણાવ્યું હતું કે તે ટૂંક સમયમાં યુએસ વિરુદ્ધ કાર્યવાહીની જાહેરાત કરશે