ખુવારી / યુક્રેને દુશ્મન દેશનો દાટ વાળ્યો ! રશિયાના 4300 સૈનિકો માર્યાનો દાવો, હવે આ રીતે યુદ્ધ લડવાની જાહેરાત

• યુદ્ધના ચોથા દિવસે યુક્રેનનો મોટો દાવો
• ચાર દિવસમાં રશિયાના 4300 સૈનિકો માર્યા ગયા
• 146 ટેન્ક, 27 ફાઈટર જેટ અને 26 હેલિકોપ્ટર નષ્ટ

યુક્રેન રશિયા સામે જોરદાર રીતે લડી રહ્યું હોવાનું લાગી રહ્યું છે. યુદ્ધના ચોથા દિવસે યુક્રેને જાહેર કર્યું છે કે રશિયાના 4300 સૈનિકો માર્યા ગયા છે તથા 146 ટેન્ક, 27 ફાઈટર જેટ અને 26 હેલિકોપ્ટર નષ્ટ કરી દેવાયા છે. 

રશિયા સામે ગોરિલા વોરની યુક્રેનની તૈયારી, કીવમાં ભેગા થયા હથિયારબંધ લોકો
યુક્રેને હવે રશિયા સામે ગોરિલા વોરની તૈયારી કરી હોવાનું લાગી રહ્યું છે. રાજધાની કીવમાં હથિયારો લઈને લોકોનો જમાવડો થયો છે. યુક્રેનના લોકોએ હવે રશિયન સેના સામે હથિયાર ઉઠાવ્યા છે. અહીંના લોકોનું કહેવું છે કે જો તેમનું શહેર રશિયન સેના પાસે જશે તો તેઓ ચૂપચાપ બેસશે નહીં. યુક્રેનની સેના ભલે તેમની સુરક્ષા માટે તૈનાત હોય પરંતુ જો ખતરો વધશે તો શહેરના દરેક ઘરની બારીમાંથી ફાયરિંગ થશે. ત્યારે હવે એ સ્પષ્ટ થઇ ગયું છે કે, યુક્રેનમાં ગોરિલા યુદ્ધની તૈયારીઓ થઇ ચૂકી છે. 

રશિયાએ બેલારુસમાં યુક્રેનને શાંતિ મંત્રણા માટે આમંત્રણ આપ્યું

રશિયાએ બેલારુસમાં યુક્રેનને શાંતિ મંત્રણા માટે આમંત્રણ આપ્યું છે પરંતુ યુક્રેનને રશિયાએ સૂચવેલું સ્થળ મંજૂર નથી તે બીજી કોઈક જગ્યાએ મંત્રણા કરવા માગે છે. યુક્રેન રાષ્ટ્રપતિ ઝેલેન્સકીએ બેલારુસમાં વાતચીત કરવાનો ઈન્કાર કરી દીધો છે. રશિયા પડોશી દેશ બેલારુસમાં શાંતિ મંત્રણા કરવા તૈયાર છે પરંતુ યુક્રેનને આ સ્થળ પસંદ નથી. ઝેલેન્સ્કીએ રવિવારે એક વીડિયો સંદેશ જારી કરીને કહ્યું કે અમે બેલારુસમાં નહીં પરંતુ પોલેન્ડની રાજધાની વોર્સો, બ્રાતિસ્લાવા, ઈસ્તંબુલ, બુડાપેસ્ટ અથવા બાકુમાં શાંતિ મંત્રણા કરવા તૈયાર નથી. તેમણે કહ્યું કે બીજા સ્થળોએ પણ મંત્રણા થઈ શકે છે પરંતુ બેલારુસમાં તો જરા પણ નહીં.

રશિયાએ વાતચીત માટે બેલારુસનો હોમેલ શહેરમાં પ્રતિનિધિમંડળ મોકલ્યું 
રશિયન રાષ્ટ્રપતિ કાર્યાલય ક્રેમલિને રવિવારે કહ્યું કે તેનું એક પ્રતિનિધિમંડળ વાતચીત માટે બેલારુસના હોમેલ શહેર પહોંચી ગયું છે. ક્રેમિલનના પ્રવક્તા દિમિત્રી પેસ્કોવે જણાવ્યું કે પ્રતિનિધિમંડળમાં લશ્કરી અધિકારી તથા રાજદ્વારી નેતાઓ સામેલ છે. તેમણે કહ્યું કે રશિયન પ્રતિનિધિમંડળ વાતચીત માટે તૈયાર છે અને યુક્રેની અધિકારીઓની પ્રતિક્ષા કરી રહ્યાં છે.