શૈક્ષણિક / વિદ્યાર્થીઓના હિતમાં UGCનો મોટો નિર્ણય, NET પરીક્ષા માટે અરજી કરવાની તારીખ 30 મે સુધી લંબાવી

• વિદ્યાર્થીઓના હિતમાં UGCનો મોટો નિર્ણય
• NET પરીક્ષાની તારીખ  30 મે સુધી લંબાવી 
• 30 મે સુધી જિસ્ટ્રેશન પ્રોસેસ અને ફી પેમેન્ટ કરી શકાશે 

યુનિવર્સિટી ગ્રાન્ટ કમિશને વિદ્યાર્થીઓના હિતમાં એક મોટો નિર્ણય લીધો છે. યુજીસીના ચેરમેન મામિદલા જગદેશ કુમારે એવી જાહેરાત કરી કે યુજીસી-નીટ ડિસેમ્બર 2021 અને જુન 2022 માટે રજિસ્ટ્રેશન પ્રોસેસ અને ફી પેમેન્ટ માટેની તારીખ લંબાવીને હવે 30 મે 2022 સુધી કરી દીધી છે. 

યુજીસીના ચેરમેન જગદેશ કુમારની જાહેરાત 

રવિવારે યુજીસીના ચેરમેન જગદેશ કુમારે એવું જણાવ્યું કે ઉમેદવારોના પ્રતિનિધિઓની રજૂઆત સાંભળ્યા બાદ યુજીસી નેટ ડિસેમ્બર 2021 અને જુન 222 માટે ઓનલાઈન અરજી રજૂ કરવાની તારીખ 30 મે 2022 સુધી લંબાવવામાં આવે છે. 

ઉલ્લેખનીય છે કે 20 એપ્રિલે યુજીસી નેટ 2022 માટેની રજિસ્ટ્રેશન પ્રોસેસ શરુ થઈ હતી. આ પહેલા યુજીસી નેટ 2022 માટે અરજી કરવાની છેલ્લી તારીખ 20 મે રાખવામાં આવી હતી પરંતુ હવે તેને લંબાવીને 30 મે કરવામાં આવી છે. 

UGC extends application dates for NET exam to May 30

Read @ANI Story | https://t.co/CJPaskUGgX#NET #UGC #UGCNET #ugcnet2022 pic.twitter.com/4lQghtdeWD

— ANI Digital (@ani_digital) May 22, 2022

યુજીસી નેટ 2022 માટે ઓનલાઇન અરજી કેવી રીતે કરવી

• યુજીસી નેટ માટે રજિસ્ટ્રેશન કરાવવા માટે ઉમેદવારોએ યુજીસીની સત્તાવાર વેબસાઇટની મુલાકાત લેવાની રહેશે. 
• લિંક પર ક્લિક કરો જેમાં લખ્યું છે, "યુજીસી-નેટ ડિસેમ્બર 2021 અને જૂન (મર્જ થયેલ ચક્ર) માટે ઓનલાઇન અરજી ફોર્મની નોંધણી.
• નવું પેજ આપોઆપ ખુલશે.
• ત્યારબાદ ઉમેદવારોએ "નવી નોંધણી" પર ક્લિક કરીને નોંધણી પ્રક્રિયા પૂર્ણ કરવાની જરૂર છે.
• પછી, કાળજીપૂર્વક નોંધણી પ્રક્રિયા પૂર્ણ કરો.
• અરજી ફોર્મ પર બધી જરૂરી વિગતો દાખલ કરો.
• બધા જરૂરી દસ્તાવેજોને અપલોડ કરો.
• ઉમેદવારોને સલાહ આપવામાં આવે છે કે તેઓએ ભવિષ્યના ઉપયોગ માટે દસ્તાવેજનું પ્રિન્ટઆઉટ લેવું આવશ્યક છે.

યુજીસીની સત્તાવાર સૂચના અનુસાર, નેશનલ ટેસ્ટિંગ એજન્સી (એનટીએ) ડિસેમ્બર 2021 અને જૂન 2022 માટે યુજીસી-નેટ પરીક્ષાઓ જૂનમાં મર્જ કરેલા ચક્રમાં એકસાથે લેશે. અગાઉ, યુજીસીના અધ્યક્ષે જાહેરાત કરી હતી કે યુજીસી-નેટ પરીક્ષાઓ જૂન 2022 ના પહેલા અથવા બીજા અઠવાડિયામાં લેવામાં આવશે. યુજીસી નેટ 2022 ની પરીક્ષા બે પાળીમાં લેવામાં આવશે - સવારે 9 થી બપોરે 12 વાગ્યા સુધી, અને બપોરે 3 થી સાંજના 6 વાગ્યા સુધી.