ભૂલ / સભામાં મહારાણા પ્રતાપના અપમાન મુદ્દે ભારે બબાલ બાદ ભાજપે માંગી માફી, જાણો શું છે મામલો 

• રાજસ્થાન ભાજપ દ્વારા થઈ ગઈ મોટી ભૂલ 
• વીર મહારાણા પ્રતાપની તસ્વીરને મહેમાનોના પગ પાસે મૂકવામાં આવી હતી 
• લોકો અને અનેક સંસ્થાઓનો રોષ વધતાં ભાજપે નિવેદન જાહેર કરી માફી માંગી 

ભાજપના પ્રદેશ પ્રમુખ સતીષ પૂનીયાની ઉદયપુર મુલાકાતની તસ્વીર સોશિયલ મીડિયા પર જોરદાર વાયરલ થઈ રહી છે. આ તસવીર સાથે ભાજપના વિરોધીઓ સહિત આખા મેવાડ વિસ્તારના લોકો પાર્ટી પર માછલાં ધોઈ રહ્યા છે. 2 દિવસ પહેલા યુવા સંમેલનમાં ભાગ લેવા ભાજપ પ્રદેશ અધ્યક્ષ સતિષ પૂનીયા ઉદયપુરમાં ગયા હતા ત્યારે સ્ટેજ પર ઉપસ્થિત મહેમાનોને મહારાણા પ્રતાપની તસવીરો ભેટમાં આપવામાં આવી હતી. આ તસ્વીરોને જો કે સ્ટેજ પર બેઠેલા મહેમાનોના પગ પાસે મૂકવામાં આવી, જેના પછી વિવાદ મચ્યો હતો.

લોકોએ પણ ભાજપની ટીકા કરી હતી

મંગળવારે આ તસવીર સોશિયલ મીડિયા પર વાયરલ થઈ હતી. લોકો તેને મહારાણા પ્રતાપનું અપમાન ગણાવીને ભાજપને આડેહાથ લઈ રહ્યા છે. હોબાળો વધતાં ભાજપ બેકફૂટ પર આવી ગયું હતું અને તેણે સોશ્યલ મીડિયા દ્વારા આ ભૂલ બદલ માફી માંગી છે. લોકો જો કે ભાજપને ઠપકો પણ આપી રહ્યા છે, અને તેને મેવાડનું અપમાન પણ ગણાવી રહ્યા છે.

ભાજપના સાંસદ સી.પી.જોશીએ વીડિયો બહાર પાડ્યો અને માફી માંગી

મંગળવારે આખો દિવસ સ્ટેજ પર બેઠેલા લોકોના પગ પાસે મહારાણા પ્રતાપની તસવીર રાખવામાં આવી હતી અને આ વિવાદ વાયરલ થવાની સાથે જ અનેક સામાજિક સંસ્થાઓએ પણ ભાજપના નેતાઓની નિંદા કરી હતી. લોકોનો રોષ જોઇને ભાજપના નેતાઓએ પણ તેમની ભૂલ સ્વીકારી. આ મામલાને સૌથી પહેલા સીપી જોશીએ પોસ્ટ કરી શેર કર્યો હતો.

वीर शिरोमणि महाराणा प्रताप स्वाभिमान एवं शौर्य के प्रतीक हैं , उनकी ख्याति देश ही नहीं पूरे विश्व में है। उनकी गाथाएं मेवाड़ ही नहीं पूरे देश में गाई जाती हैं ।

उनका अपमान राजस्थान कभी बर्दाश्त नही कर सकता ,भाजपा के लोग माफ़ी माँगे ।। pic.twitter.com/JkOv9CtyiY

— Pratap Khachariyawas (@PSKhachariyawas) March 9, 2021

આયોજકોએ પણ ભૂલ સ્વકારી હતી 

આ કાર્યક્રમમાં ભાજપના પ્રદેશ અધ્યક્ષ સતિષ પૂનિયા પણ ઉપસ્થિત રહ્યા હતા. આવી સ્થિતિમાં, ભાજપના સત્તાવાર ફેસબુક પેજ દ્વારા આ મામલે માફી માંગવામાં આવી હતી અને તેમાં કહેવામાં આવ્યું હતું કે વિરામ થવાને કારણે આયોજકોએ ભૂલ કરી છે, આ પેજની પોસ્ટમાં કહેવામાં આવ્યું હતું કે મહારાણા પ્રતાપ આખા ભારત માટે ગૌરવ અને સન્માનનું પ્રતીક છે અને દરેકને તેમના માટે પૂરો આદર છે. ભૂલ બદલ માફ કરશો. નોંધનીય છે કે આ વિસ્તારમાં વિધાનસભાની પેટા ચૂંટણી પણ યોજાવા જઈ રહી છે.