રેડ / સ્પા સેન્ટરની આડમાં ચાલતા ગોરખધંધાનો પર્દાફાશ, થાઇલેન્ડની બે યુવતીની ધરપકડ

મહેસાણા પોલીસને ધી ગ્રાન્ડ થાઈ સ્પા નામથી ચાલતા સ્પા સેન્ટરમાં ગોરખધંધો ચાલતો હોવાની DySP મંજિતા વણઝારાને બાતમી મળી હતી. આથી બાતમીના આધારે પોલીસે ડમી ગ્રાહક મોકલી રેડ કરી હતી. રેડ દરમિયાન થાઈલેન્ડની બે યુવતીઓ મળી આવી હતી. જ્યારે સ્પાનો સંચાલક ફરાર થઈ ગયો.

જો કે, પોલીસે સ્પાના મેનેજરની ધરપકડ કરી છે. મહેસાણા પોલીસે થાઈલેન્ડની યુવતીઓના પાસપોર્ટ બાબતે પૂછપરછ કરતા તે પાસપોર્ટ રજૂ કરી શકી નહોતી. હાલ આ યુવતીઓ વર્ક પરમીટના આધારે મહેસાણા આવી હતી કે નહીં તે દિશામાં તપાસ હાથ ધરી છે. તો બીજી તરફ આ મામલે સ્પા સંચાલક સામે ઇમોરલ ટ્રાફિક એકટ અંતર્ગત દેહવ્યાપારની કલમ હેઠળ ગુનો નોંધવામાં આવ્યો છે.

ધી ગ્રાન્ડ થાઈ સ્પાના નામના સ્પા સેન્ટરમાં ગોરખ ધંધો ચાલતો હોવાની મહેસાણા DySP મંજિતા વણઝારાને બાતમી મળી હતી. આ બાતમી આધારે મહેસાણા પોલીસે ડમી ગ્રાહક મોકલી સ્પા સેન્ટરમાં રેડ કરી હતી. રેડ દરમિયાન થાઈલેન્ડની બે યુવતીઓ મળી આવી હતી. તો સ્પા નો સંચાલક ફરાર થઈ ગયો હતો.